Pavarot losu kalinoŭca Siarhieja Dziohcieva: źbierahaŭ pamiać pra vajennapałonnych, a ciapier sam takim staŭ
Pałonny kalinoviec, 34-hadovy Siarhiej Dziohcieŭ dapamahaŭ prajektu «Źbieražom Masiukoŭščynu». Heta prajekt pa zachavańni pamiaci pra vialiki łahier vajennapałonnych Štałah 352 časoŭ Druhoj suśvietnaj vajny, jaki znachodziŭsia na miescy mikrarajona.
«Kali adbylisia padziei 2020 hoda, jon taksama nie zastaŭsia ŭbaku. Za što i byŭ niekalki razoŭ zatrymany, a apošni raz — mocna źbity, i paśla taho, jak jon adbyŭ svaje sutki, supracoŭniki HUBAZiKa kudyści vazili jaho i tolki paśla adpuścili. Paśla vyzvaleńnia jon byŭ zmušany źjechać za miažu praz pahrozu zaviadzieńnia kryminalnaj spravy», — kažuć pryjacieli Dziohcieva.
«Jon ścipły i nie lubić raspaŭsiudžvacca pra svaje dasiahnieńni. Uvohule Siarhieja viedajem jak dobraha siabra, jaki zaŭsiody prychodzić na dapamohu: spravaj, a nie słovam, čałaviek, jaki maleńkimi paśladoŭnymi krokami idzie da svajoj mety.
U Kijevie Siarhiej praciahvaŭ zajmacca temaj vajennapałonnych. Da prykładu, jon adviedaŭ anałahičny masiukoŭščynskamu Štałahu Darnicki łahier dla vajennapałonnych i zrabiŭ vyjavu, u jakoj paraŭnaŭ staŭleńnie da takich miescaŭ u Kijevie i Minsku», — dzielacca siabry.
«Siarhiej zajmaŭsia temaj vajennapałonnych i sam staŭ vajennapałonnym, — kaža adzin ź siabroŭ Siarhieja. — Mahčyma, žyćcio viadzie Siarohu takim šlacham».
Čytajcie jašče:
Raskazvajem pra biełarusa Siarhieja Dziohcieva — druhoha kalinoŭca ŭ pałonie
Chto jon — pałonny kalinoviec Jan Dziurbiejka?
Chto takija «Atam», «Siabro» i «Papik». Raskazvajem pra traich bajcoŭ z pałka Kalinoŭskaha, jakija, napeŭna, zahinuli
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary