Рэальныя пенсіі беларусаў працягваюць падаць сёмы месяц запар, гэта вынікае са звестак Белстата. Нагадаем, гэтыя выплаты разлічваюцца з папраўкай на інфляцыю. У чэрвені рэальныя пенсіі скараціліся на 3,2% у параўнанні з аналагічным перыядам мінулага года, піша «Зеркало».
Рэальныя пенсіі ў Беларусі зніжаюцца са снежня 2021 года. Гаворка ідзе пра параўнанне гэтых выплат да аналагічнага месяца папярэдняга года.
Канкрэтна ў чэрвені ў параўнанні з маем гэтага года рэальныя пенсіі ўпалі на 1,1% да мая. Сярэдняя прызначаная чэрвеньская пенсія была на ўзроўні 550,4 рубля, як і месяцам раней.
Ва ўрадзе ў чэрвені назвалі асноўную ўмову, пры якой у Беларусі могуць павысіць пенсіі. Як заявіў намеснік прэм'ер-міністра Ігар Петрышэнка, павелічэнне гэтых выплат залежыць ад росту заробкаў, а таксама ў цэлым сітуацыі ў эканоміцы.
Сітуацыя ж у эканоміцы не вельмі добрая. У Беларусі падае ВУП, а эканоміцы прагназуюць няпростыя часы.
Сёлета працоўныя пенсіі павышалі з 1 сакавіка. Аднак гэты рост з'ела разагнаная інфляцыя. У сакавіку кошты на тавары і платныя паслугі выраслі на 6,1% да папярэдняга месяца, у красавіку — на 1,6%, а ў траўні — на 0,7%.
Чарговае павышэнне працоўных пенсій прызначана на 1 жніўня.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары