Грамадства

УСУ расказалі, якая тэхніка была знішчаная на аэрадроме ў Крыме

У выніку выбухаў 9 жніўня на авіябазе ў Навафёдараўцы былі знішчаныя каля 10 расійскіх самалётаў і склад авіяцыйнага ўзбраення. Пра гэта паведаміў прэс-сакратар камандавання Паветраных сіл УСУ Юрый Ігнат.

Ён паведаміў, што на аэрадроме «Сакі» знаходзіліся самалёты Су-30 СМ, Су-24, Іл-76 і, магчыма, верталёты.

«Па выбуху, які мы бачылі на відэа, зразумела, што быў паражоны склад узбраення, таму што дэтанацыя была сур’ёзная. Любы аэрадром вывесці з ладу — гэта добра. А калі там дадаткова знішчана з дзясятак самалётаў, то гэта будзе сапраўдная невялікая перамога», — сказаў Ігнат.

Раней у камандаванні Паветраных сіл паведамлялі, што на авіябазе знішчылі дзевяць самалётаў, якія штодня выляталі патруляваць паветраны прастор каля Украіны, мінаючы зону дзеяння СПА Украіны.

Усяго ў Крыме пяць аэрадромаў, якія Расія можа выкарыстоўваць для ўзлёту самалётаў і нанясення ракетных удараў па Украіне, у дадатак да дзясяткаў аэрадромаў у Беларусі і ў самой Расіі.

Днём 9 жніўня ў Крыме прагрымелі выбухі на ваенным аэрадроме ў Новафёдараўцы. Жыхары Крыма публікавалі ў сацсетках відэа, на якіх былі бачныя як мінімум два эпіцэнтры агню, і расказвалі, што чулі ад 7 да 12 выбухаў.

Мінабароны Расіі заявіла, што пажар на авіябазе «Сакі» ўзнік з прычыны дэтанацыі некалькіх авіяцыйных снарадаў. Пазней крыніца ваеннага ведамства РФ заявіла ТАСС аб парушэнні патрабаванняў пажарнай бяспекі на аэрадроме паблізу Новафёдараўкі.

Мінабароны Украіны заявіла, што не можа высветліць прычыну ўзгарання ў Новафёдараўцы.

The New York Times са спасылкай на высокапастаўленага ўкраінскага вайскоўца напісала, што за выбухамі на аэрадроме ў акупаваным Крыме стаяць украінскія сілы.

Дарадца кіраўніка Офіса прэзідэнта Украіны Міхаіл Падаляк заявіў, што Кіеў не датычны да выбухаў на аэрадроме ў акупаваным Расіяй Крыме.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць