ЗША плануюць размарозіць і вярнуць Беларусі каля 43—44 мільёнаў даляраў, якія затрымаліся на рахунку ў амерыканскім Citibank. Спецпасланнік ЗША па Беларусі Джон Коўл заявіў, што амерыканскі бок пачуў просьбу Лукашэнкі вярнуць гэтыя сродкі і ўжо звярнуўся ў банк з адпаведнай просьбай.
«Гэтыя грошы павінны быць размарожаныя і вернутыя. Мы звярнуліся ў банк з просьбай размарозіць іх. Цяпер выпрацоўваем механізм таго, як гэта зрабіць», — сказаў Коўл падчас сустрэчы з Лукашэнкам.
Ён дадаў, што беларускі бок атрымае інфармацыю пра далейшыя дзеянні, як толькі ад банка паступіць канкрэтны адказ.
Пра гэтыя грошы 11 верасня расказаў Аляксандр Лукашэнка. Паводле яго слоў, гэта сродкі, якія заплаціла кампанія, што супрацоўнічала з Беларуссю.
15 верасня ў Мінску праходзяць беларуска-амерыканскія перамовы. Лукашэнка сустракаецца з прадстаўнікамі каманды прэзідэнта ЗША Дональда Трампа. Амерыканскую дэлегацыю ўзначальвае спецпасланнік Джон Коўл.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ4
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары
Няма на гэтага дурня Коўла Марко Рубіо. Жах.