Лукашэнка загадаў памяняць Ладуцьку на мотавелазаводзе, бо той ужо «не можа і не хоча»
Аляксандр Лукашэнка хоча прызначыць на мінскі мотавелазавод маладога гендырэктара, а для Мікалая Ладуцькі знайсці новую пасаду, але «таксама хамут на шыю».
Лукашэнка сёння жорстка раскрытыкаваў працу завода. Ён панаракаў, што тут «быў год таму, тое і засталося» і загадаў з 1 студзеня яго здзівіць. А тое, што цяпер, «гэта не праца. Гэтая праца нікому не патрэбная».
Новы дырэктар, на думку Лукашэнкі, павінен быць маладым і хуткім, бо на прадпрыемстве «павольна варушацца».
«Трэба шукаць маладога хуткага дырэктара. А яму знайсці пенсійную пасаду, але таксама хамут на шыю. Слухай, няўжо ты не разумееш, у чым прычына тут.
Прычына ў тым, што тут павольна варушыцеся. А ён [Ладуцька] ужо не можа і не хоча. Ну навошта яму?» — заявіў Лукашэнка.
Мікалай Ладуцька ўзначальвае мотавелазавод з 2015 года, а да таго з 2009 па 2014 быў старшынёй Мінскага гарвыканкама. Цяпер яму 63 гады, ён амаль на 5 гадоў маладзейшы за Лукашэнку.
Чытайце таксама:
Лукашэнку паказалі «беларускі» матацыкл, у якім усё аказалася кітайскім, акрамя зборкі
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Цяпер чытаюць
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары
А старым на шыю ў нас - хамут.