Łukašenka zahadaŭ pamianiać Ładućku na motaviełazavodzie, bo toj užo «nie moža i nie choča»
Alaksandr Łukašenka choča pryznačyć na minski motaviełazavod maładoha hiendyrektara, a dla Mikałaja Ładućki znajści novuju pasadu, ale «taksama chamut na šyju».
Łukašenka siońnia žorstka raskrytykavaŭ pracu zavoda. Jon panarakaŭ, što tut «byŭ hod tamu, toje i zastałosia» i zahadaŭ z 1 studzienia jaho ździvić. A toje, što ciapier, «heta nie praca. Hetaja praca nikomu nie patrebnaja».
Novy dyrektar, na dumku Łukašenki, pavinien być maładym i chutkim, bo na pradpryjemstvie «pavolna varušacca».
«Treba šukać maładoha chutkaha dyrektara. A jamu znajści piensijnuju pasadu, ale taksama chamut na šyju. Słuchaj, niaŭžo ty nie razumieješ, u čym pryčyna tut.
Pryčyna ŭ tym, što tut pavolna varušyciesia. A jon [Ładućka] užo nie moža i nie choča. Nu navošta jamu?» — zajaviŭ Łukašenka.
Mikałaj Ładućka ŭznačalvaje motaviełazavod z 2015 hoda, a da taho z 2009 pa 2014 byŭ staršynioj Minskaha harvykankama. Ciapier jamu 63 hady, jon amal na 5 hadoŭ maładziejšy za Łukašenku.
Čytajcie taksama:
Łukašenku pakazali «biełaruski» matacykł, u jakim usio akazałasia kitajskim, akramia zborki
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž40
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
A starym na šyju ŭ nas - chamut.