17 жніўня грамадзянін Польшчы звярнуўся да беларускіх памежнікаў з просьбай надаць яму статус уцекача.
Пра гэта паведамляе прэс-служба Дзяржаўнага памежнага камітэта, адзначаючы, што рашэнне пайсці ў Беларусь і звярнуцца за абаронай мужчына прыняў «праз асцярогі за ўласнае жыццё і здароўе».
Імя паляка пакуль не называецца.
Гэта ўжо трэці такі вядомы выпадак.
Раней, у снежні 2021 года, падчас міграцыйнага крызісу на мяжы з ЕС у Беларусь трапіў польскі вайсковец Эміль Чэчка. Пасля яго неаднаразова выкарыстоўвала беларуская прапаганда. Аднак праз тры месяцы Чэчка быў знойдзены ў Мінску павешаным.
8 чэрвеня ў Беларусь прыехаў Марцін Мікалаек і папрасіў палітычны прытулак, сцвярджаючы, што на радзіме яму пагражае турма за падтрымку вайны ва Украіне.
У сваю чаргу, па даных Упраўлення па справах замежнікаў, на 30 чэрвеня 2022 года ў Польшчы жыло 67 тысяч грамадзян Беларусі.
З іх 28,2 тысячы маюць пастаянны дазвол на жыхарства, 20 тысяч — часовы дазвол на жыхарства, 2,4 тысячы — дадатковую абарону, якая надаецца людзям, якія пацярпелі ад палітычнага пераследу.
Яшчэ 864 чалавекам выдадзены дазвол на знаходжанне доўгатэрміновага рэзідэнта ЕС. Таксама 508 беларусаў атрымалі ў Польшчы часовую абарону, а 294 — статус бежанца.
Плюс 15,3 тысячы чалавек маюць іншыя дзейныя дакументы, якія даюць дазвол на знаходжанне ў Польшчы.
-
МЗС Польшчы: «Памагатары» ў рэгістрацыі на падачу на візы перасталі быць эфектыўнымі
-
Кавалеўскі: Ціханоўскія не разумеюць далікатнасці і складанасці гуманітарнага трэку, які прывёў да вызвалення 300 палітвязняў
-
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»
Цяпер чытаюць
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»12
Каментары