«Пазіцыя Літвы пасля 24 лютага не змянілася»: Ціханоўская сустрэлася з прэм'еркай Шыманіце
Прэм'ер-міністарка Літвы Інгрыда Шыманіце наведала прадстаўніцтва беларускай дэмакратыі ў Вільні, дзе абмеркавала з лідаркай дэмакратычнай Беларусі Святланай Ціханоўскай сітуацыю ў Беларусі, удзел рэжыму Лукашэнкі ў вайне Расіі супраць Украіны, становішча беларусаў, якія з'ехалі праз рэпрэсіі.
«З самага пачатку рэпрэсій у Беларусі, і асабліва з пачаткам вялікай хвалі рэпрэсій пасля чарговых скрадзеных Лукашэнкам прэзідэнцкіх выбараў у 2020 годзе, Літва стала часовым домам для беларусаў, вымушаных бегчы са сваёй краіны. Запэўніваю вас, што гэтая пазіцыя не змянілася пасля 24 лютага — мы будзем і далей рабіць усё, каб прадстаўнікі беларускіх дэмакратычных сіл і арганізацый грамадзянскай супольнасці і СМІ былі ў бяспецы ў Літве і маглі годна жыць і працаваць», — перадае словы прэм'ер-міністра прэс-служба.
Шыманіце адзначыла, што цяпер, калі позіркі ўсяго свету прыкаваныя да Украіны, якая ваюе, Літва не можа забываць і павінна працягваць падтрымліваць беларусаў у іх барацьбе за дэмакратыю. «Літва будзе і далей імкнуцца захаваць справу свабоды Беларусі ў міжнародным парадку дня, падтрымлівала і будзе падтрымліваць патрабаванні беларусаў аб спыненні рэпрэсій у краіне, вызваленні і поўнай рэабілітацыі палітвязняў, правядзенні свабодных і дэмакратычных выбараў», — заявіла прэм'ерка.
-
«Заробак у тры разы вышэйшы, чым дома». Беларус расказаў, як папрацаваў у Егіпце на будаўніцтве АЭС
-
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ
-
Маладую дзяўчыну з Баранавіч, якая вучылася на педагога ў Гродне, арыштавалі па «справе Гаюна»
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ12
Каментары