Uber цалкам перавядзе свой таксапарк на электрамабілі да 2030 года
Uber перастане падключаць да сваёй мабільнай праграмы кіроўцаў на аўтамабілях з рухавікамі ўнутранага згарання ўжо да канца дзесяцігоддзя.
«Цяпер з аднаго мільёна партнёрскіх аўтамабіляў электракараў усяго каля 25 тысяч. Наша мэта — за год павялічыць іх долю ў два разы», — заявіў кіраўнік Uber Дара Хасроўшахі тэлеканалу CBS News.
Пакуль што сэрвіс прыманьвае электракары шляхам заахвочвання. Так, Uber дае льготы сваім кіроўцам, якія перасаджваюцца на электракары. А цяперашнія ўжо атрымліваюць стаўку за паездкі вышэйшую, чым іх калегі на аўто з рухавікамі ўнутранага згарання. Таксама Uber увёў зніжкі на зарадных станцыях. На ўсе гэтыя меры сэрвіс патраціць 800 мільёнаў даляраў.
Электракары працуюць у таксі і ў Беларусі, але пакуль іх таксама меншасць. Таксісты ж, якія працуюць на электрамабілях, у цэлым задаволеныя. Толькі на абслугоўванні яны эканомяць па 200 рублёў кожны месяц, не кажучы пра паліва.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары