Пад Магілёвам высадзілі сасновы парк у выглядзе пяціканцовай зоркі
Новы парк закладзены ў аграгарадку Вейна, што на поўдзень ад абласнога цэнтра. Высаджаныя дрэвы зверху ствараюць абрыс зоркі. Дзіўнае на першы погляд рашэнне каранямі сыходзіць у сярэдзіну ХХ стагоддзя, паведамляе Магілёў.media.
Для акцыі Магілёўскі лясгас прывёз 151 сасну, а школьнікі і мясцовыя жыхары высадзілі іх каля ўезду ў аграгарадок.
Тутэйшае начальства лічыць, што новыя насаджэнні на тэрыторыі Вейнянскага сельсавета будуць цікавыя не толькі як месца адпачынку, але і як ландшафтны аб’ект, што ацэняць і мясцовыя жыхары, і госці аграгарадка.
Колькасць саджанцаў была вызначана не выпадкова — менавіта такая колькасць пахаванняў загінулых вайскоўцаў і ахвяр Другой сусветнай вайны знаходзіцца на могілках каля аграгарадка Вейна.
Акрамя знакавага ліку соснаў, сімвалічнай зрабілі і форму высаджаных дрэў — будучы парк уяўляе сабой зорку, дзе размах прамянёў складае больш за 50 метраў. Пра аўтара канцэпцыі парку нічога не гаворыцца.
Цяпер чытаюць
Муж Сямашкі быў не адзіным, хто атрымаў пашпарт прыкрыцця 13 лютага 2018 года41
Каментары
а потом некоторые суеверные решат, что бес попутал