Прэзідэнт Нямеччыны Франк-Вальтэр Штайнмаер адклаў візіт у Кіеў, які планаваўся на чацвер 20 кастрычніка. Прычынай названыя «меркаванні бяспекі», паведамляе Радыё Свабода.
Як сцвярджае Bild, адмовіцца ад візіту парэкамендавалі МЗС, МУС і органы бяспекі Нямеччыны, пастанова была прынятая 18 кастрычніка. У Кіеве, па дадзеных Bild, былі гэтаму здзіўлены. Адзначаецца, што 20 кастрычніка сталіцу Украіны павінен наведаць кіраўнік адной з дзяржаў, хто менавіта — не называецца.
10 кастрычніка пасля перапынку ў некалькі тыдняў Кіеў падвергнуўся расійскім ракетным ударам. У некалькі наступных дзён па сталіцы Украіны таксама наносіліся ўдары, ёсць ахвяры сярод мірнага насельніцтва.
Агенцтва DPA адзначае, што Штайнмаер ўсё ж спадзяецца ажыццявіць візіт ва Украіну «ў найбліжэйшы час».
Яшчэ ў маі прэзідэнт Украіны Уладзімір Зяленскі запрасіў прэзідэнта Нямеччыны прыехаць ва Украіну. Гэтаму папярэднічала непаразуменне паміж дзвюма краінамі вакол магчымага візіту — Штайнмаер сцвярджаў, што збіраўся прыехаць у Кіеў яшчэ ў красавіку, пасля таго, як расейскія войскі пакінулі наваколлі сталіцы Украіны, аднак нібыта не атрымаў згоды ўкраінскага боку.
Нямецкія СМІ сцвярджалі, што Зяленскі не хацеў бачыць Штайнмаера, якога да шырокамаштабнага расійскага ўварвання ва Украіне крытыкавалі за цесныя сувязі з Расіяй. Пасля ўварвання 24 лютага прэзідэнт Нямеччыны заявіў, што памыляўся ў сваіх палітычных ацэнках, у прыватнасці ён назваў памылкай тое, што падтрымліваў будаўніцтва газаправода «Паўночная паток — 2».
-
Жанчына з Тэнэсі выжыла пасля дзвюх смяротных ін'екцый падчас пакарання смерцю і была дастаўлена ў бальніцу
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
Каментары