Навука і тэхналогіі

Тэлескоп Webb зафіксаваў ашаламляльную пратазорку ў выглядзе «пясочнага гадзінніка»

Касмічны тэлескоп Webb здымае выявы блізкага і далёкага Сусвету з пачатку гэтага лета. На гэтым тыдні прадстаўнікі NASA паказалі апошні партрэт Уэба: здымак цёмнага воблака пад назвай L1527 і святла, якое зыходзіць ад пратазоркі ў яго ядры.

Фота: SCIENCE: NASA, ESA, CSA, STScI / IMAGE PROCESSING: Joseph DePasquale (STScI), Alyssa Pagan (STScI), Anton M. Koekemoer (STScI)

L1527 знаходзіцца прыкладна за 460 светлавых гадоў ад Зямлі і мае дыяметр 0,3 светлавых года. У яго цэнтры знаходзіцца пратазорка — вельмі маладая зорка, якая ўсё яшчэ фарміруецца. Раней воблака было сфатаграфавана касмічным тэлескопам Spitzer і радыётэлескопам ALMA, якія выявілі характэрную форму пясочнага гадзінніка. Але Webb дасягнуў надзвычай выразнай выявы з дапамогай камеры блізкага інфрачырвонага дыяпазону.

Зверху і знізу бачнае святло ад пратазоркі, якое асвятляе пустоты ўнутры навакольных адтокаў газу і пылу з гэтага аб'екта. Фігуры ў верхняй частцы выявы падобныя да бурбалак — гэта зорныя «адрыжкі» або выкіды газаў, гаворыцца ў афіцыйным паведамленні навукоўцаў. Правая ніжняя вобласць выглядае сіняй, а не аранжавай, таму што паміж ёй і Уэбам менш пылу.

Таксама прадстаўнікі NASA далі агульную справаздачу аб навуковых дасягненнях Уэба, бягучым стане тэлескопа і далейшых даследаваннях Сусвету касмічным агенцтвам. На сённяшні дзень Уэб перажыў ужо 14 удараў мікраметэарытамі, адзін з якіх быў асабліва сур'ёзным. Навукоўцы кажуць, што чакалі гэтага, і ўносяць некаторыя аперацыйныя змены, каб пазбегнуць любых уздзеянняў у будучыні.

Gizmodo распавядае, што фота было прадстаўлена непасрэдна ў падкамітэце Палаты прадстаўнікоў ЗША, дзе амерыканскія кангрэсмены, акрамя пытанняў пра чаканую даўгавечнасць місіі і тэхнічныя збоі ў прыборах, мелі магчымасць задаць агульныя пытанні аб астрафізіцы і космасе.

Так, адзін з кангрэсменаў хацеў ведаць, што было раней, да ўзнікнення Сусвету. «Мой любімы адказ на гэта пытанне — ваша здагадка такая ж добрая, як і мая, — сказаў Стывен Фінкельштэйн, астраном і галоўны даследчык. — Больш тэхнічны адказ, які мне не падабаецца, заключаецца ў тым, што паняцце часу існуе, толькі пакуль існуе Сусвет. Так што ніякага «раней» не было».

Тым часам як тое, што было да Вялікага выбуху, застаецца сферай тэорыі, адным з галоўных прыярытэтаў NASA з’яўляецца даследаванне цёмнай энергіі — невядомага рухавіка пашырэння Сусвету, які пастаянна паскараецца. Працягласць жыцця Уэба ў космасе ацэньваецца прыкладна ў 20 гадоў.

Каментары

Цяпер чытаюць

Ціханоўская — Трампу: Лукашэнку трэба пакараць, а не заахвочваць

Ціханоўская — Трампу: Лукашэнку трэба пакараць, а не заахвочваць

Усе навіны →
Усе навіны

Што цяпер са здароўем Ціханоўскага?6

Ціханоўскі расказаў, што было ў лазні пасля сустрэчы з Лукашэнкам у СІЗА КДБ3

Ціханоўскі: Лукашэнку трэба судзіць па лукашысцкіх законах, але пасадзіць на кол61

Еўрапейская краіна, дзе мядзведзі свабодна блукаюць і якая зрабіла на іх турбізнэс

У Пухавіцкім раёне на пажары загінула 12-гадовая дзяўчынка з бабуляй

Пуцін пасмяротна ўзнагародзіў загінулага намесніка кіраўніка ВМФ другой «Залатой зоркай» Героя Расіі5

«Не знайшлося лідара, здольнага гэта зрабіць». Лябедзька расказаў, калі прайграла дэмакратыя ў Беларусі і пры чым тут Пазняк100

У паводцы ў Тэхасе, што накрыла дзіцячы летнік, загінулі найменей 51 чалавек, 27 дзяўчынак прапалі без вестак

Стасевіч стаў рэкардсменам Беларусі па колькасці матчаў. Яму падарылі лукашэнкаўскі мерч, хаця дома футбаліст у чорным спісе1

больш чытаных навін
больш лайканых навін

Ціханоўская — Трампу: Лукашэнку трэба пакараць, а не заахвочваць

Ціханоўская — Трампу: Лукашэнку трэба пакараць, а не заахвочваць

Галоўнае
Усе навіны →

Заўвага:

 

 

 

 

Закрыць Паведаміць