Кароткі гайд, як зрабіць уласны VPN за пару хвілін і нуль выдаткаў
Патрэбную многім беларусам інструкцыю, як пры неабходнасці самому стварыць такую праграму, апублікаваў тэлеграм-канал «Код 375». Усё насамрэч вельмі проста.
Крок 1. Рэгістрацыя ў сэрвісе Heroku
Для гэтага трэба зайсці на сайт Heroku, націснуць Sign up і падаць неабходныя звесткі. Для рэгістрацыі патрэбная толькі электронная пошта.
Крок 2. Пачатак разгортвання
Націсніце на гэтую спасылку.
Крок 3. Канфігураванне
У форме, якая з'явілася, запоўніце ўсе палі, як паказана на скрыншоце:
У якасці значэнняў «App Name» і AppName ўпішыце нейкае ўнікальнае імя мабільнай праграмы, аднолькавае ў абодвух палях. Гэтае імя стане часткай даменнага імя <appname>.herokuapp.com, па якім будзе даступны сэрвіс.
Замест PASSWORD задайце свой пароль. Можна задаць больш доўгі і надзейны — вам, хутчэй за ўсё, не прыйдзецца ўводзіць яго ўручную.
Крок 4. Запуск
Запоўніўшы форму, націсніце Deploy app. Пасля завяршэння зборкі і запуску QR-код з канфігурацыяй для мабільных прылад будзе даступны па адрасе:
https://APPNAME.herokuapp.com/qr/vpn.png
А радок з канфігурацыяй ў выглядзе URL будзе даступны па адрасе:
https://APPNAME.herokuapp.com/qr/
дзе APPNAME — абранае вамі імя мабільнай праграмы. Калі вы мянялі шлях да QR-кода, то спасылка зменіцца адпаведна. У другой спасылцы нахільная рыса ў канцы абавязковая.
Усё, можна карыстацца!
Наладка мабільнага кліента на прыкладзе Android
1. Усталюйце на вашу прыладу кліент shadowsocks і плагін v2ray да яго.
2. Запусціце мабільную праграму і дадайце новы профіль кнопкай з плюсам у правым верхнім куце. Выберыце сканіраванне QR-кода і адскануйце яго.
3. Выберыце створаны профіль дотыкам.
4. Запусціце злучэнне, націснуўшы на круглую кнопку ўнізе.
5. Гатова!
Правяраем, ці ўсё працуе правільна
Заходзім на whatismyip.com і глядзім на свой IP і новую лакацыю.
Абмежаванні Heroku
Для мабільных праграм, запушчаных на Heroku, на даны момант дзейнічаюць наступныя абмежаванні:
- часавая квота працы праграм пры бясплатным выкарыстанні складае 550 гадзін на месяц.
- Кантэйнер праграмы пераходзіць у спячы рэжым пасля 30 хвілін адсутнасці запытаў да яго. З аднаго боку, гэта дае нязручнасці ў выглядзе затрымак адказу да паўхвіліны пасля перапынку ў актыўнасці. З іншага боку, гэта эканоміць адведзеную часавую квоту.
- Квота на перадачу звестак па сетцы роўная 2 ТБ у месяц. Значыць, у выпадку з проксі гэта дае крыху менш за 1 ТБ трафіка ў месяц.
З Лондана Мельнікава вылецела на Шры-Ланку, у яе быў каханак спартовага выгляду з Беларусі22
Каментары
"што лепей"
дарагуша, спачатку вывучы хоць трохі мову)