Звальняюць дырэктарку Гомельскага моладзевага тэатра Алену Маставенка
Два дні таму дырэктарцы Гомельскага моладзевага тэатра Алене Маставенка ўручылі паведамленне аб непрацягненні кантракта. Пра гэта паведаміла тэатральны крытык Настасся Панкратава.
Кантракт у Алены Маставенка заканчваўся 25 студзеня. Але яго прапанавалі скасаваць да заканчэння тэрміну. Прычыны звальнення пакуль не агучаны.
«Алена Маставенка прыйшла ў гомельскі тэатр ў 2017-м годзе. І вельмі хутка тэатр загучаў на ўсіх рэспубліканскіх пляцоўках. Алена не баялася эксперыментаў і давярала маладым рэжысёрам. Дзякуючы такому падыходу загучаў культавы МакДонах, Марыус фон Маенбург з рэзануючай назвай «Вырадак» (гэтыя спектаклі ставіў Віталь Краўчанка да свайго пераходу ў Купалаўскі тэатр, менавіта ў гомельскую «маладзёжку» ён вярнуўся пасля разгрому Купалаўскага), тут быў спектакль з музыкай Ягора Летава ў пастаноўцы Паршына, спектакль Юрыя Дзівакова», — напісала Н. Панкратава.
Па яе словах, у тэатры з'явілася мноства небанальных аўтараў і дзёрзкіх пастаноўшчыкаў. Не дзіва, што на найбліжэйшую пасля свайго прыходу ў тэатр Нацыянальную тэатральную прэмію гомельская моладзь прыехала адразу з трыма пастаноўкамі, зладзіўшы ў Мінску міні-гастролі.
«Мясцовыя газеты называлі «маладзёжку» самым лямпавым тэатрам у горадзе. Ну а цяпер атмасферны тэатр імкліва адкоціцца да безаблічнага калектыву, якіх цяпер поўна (на вялікі жаль) у Беларусі», — рэзюмуе тэатральны крытык.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары