Zvalniajuć dyrektarku Homielskaha moładzievaha teatra Alenu Mastavienka
Dva dni tamu dyrektarcy Homielskaha moładzievaha teatra Alenie Mastavienka ŭručyli paviedamleńnie ab niepraciahnieńni kantrakta. Pra heta paviedamiła teatralny krytyk Nastaśsia Pankratava.
Kantrakt u Aleny Mastavienka zakančvaŭsia 25 studzienia. Ale jaho prapanavali skasavać da zakančeńnia terminu. Pryčyny zvalnieńnia pakul nie ahučany.
«Alena Mastavienka pryjšła ŭ homielski teatr ŭ 2017-m hodzie. I vielmi chutka teatr zahučaŭ na ŭsich respublikanskich placoŭkach. Alena nie bajałasia ekśpierymientaŭ i daviarała maładym režysioram. Dziakujučy takomu padychodu zahučaŭ kultavy MakDonach, Maryus fon Majenburh z rezanujučaj nazvaj «Vyradak» (hetyja śpiektakli staviŭ Vital Kraŭčanka da svajho pierachodu ŭ Kupałaŭski teatr, mienavita ŭ homielskuju «maładziožku» jon viarnuŭsia paśla razhromu Kupałaŭskaha), tut byŭ śpiektakl z muzykaj Jahora Letava ŭ pastanoŭcy Paršyna, śpiektakl Juryja Dzivakova», — napisała N. Pankratava.
Pa jaje słovach, u teatry źjaviłasia mnostva niebanalnych aŭtaraŭ i dziorzkich pastanoŭščykaŭ. Nie dziva, što na najbližejšuju paśla svajho prychodu ŭ teatr Nacyjanalnuju teatralnuju premiju homielskaja moładź pryjechała adrazu z tryma pastanoŭkami, zładziŭšy ŭ Minsku mini-hastroli.
«Miascovyja haziety nazyvali «maładziožku» samym lampavym teatram u horadzie. Nu a ciapier atmaśfierny teatr imkliva adkocicca da biezabličnaha kalektyvu, jakich ciapier poŭna (na vialiki žal) u Biełarusi», — reziumuje teatralny krytyk.
-
Z chrosnym chodam i fiejervierkami. Poŭnaja prahrama Dnia biełaruskaha piśmienstva ŭ Lidzie
-
Pamior ukrainski mastak burackaha pachodžańnia, što stvaryŭ kultavyja multfilmy «Vostraŭ skarbaŭ» i «Pryhody kapitana Urunhiela»
-
Fanaty Tejłar Śvift hadajuć, što značyć kniha pra Šahała, Maleviča i Lisickaha, zaŭvažanaja ŭ anonsie da jaje novaha alboma
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary