Паўночная Карэя абвергла паведамленні пра тое, што яна пастаўляе боепрыпасы Расіі.
«Ілжывае паведамленне японскіх СМІ пра тое, што КНДР прапаноўвала боепрыпасы Расіі, — гэта абсурдны манеўр, які не заслугоўвае якіх-небудзь каментароў або тлумачэнняў», — заявілі ў паўночнакарэйскім МЗС.
Раней японская газета Tokyo Shimbun паведаміла, што ў лістападзе Паўночная Карэя адправіла ў Расею боепрыпасы, у тым ліку артылерыйскія снарады. Па даных газеты, у наступныя тыдні чакаюцца і іншыя пастаўкі ўзбраення з КНДР у Расію.
Дзярждэпартамэнт ЗША раней заяўляў, што Паўночная Карэя пастаўляе ўзбраенне, у прыватнасці, расійскай ПВК Вагнера. ЗША таксама маюць намер ініцыяваць на пляцоўцы Рады Бяспекі ААН абмеркаванне пытання аб паўночнакарэйскіх пастаўках у Расію.
«Злучаныя Штаты пацвярджаюць, што КНДР завяршыла першапачатковую пастаўку зброі расійскай прыватнай вайсковай кампаніі, вядомай як «Вагнер» […] У мінулым месяцы КНДР паставіла ў Расію для «Вагнера» гранатамёты і ракеты […] Паводле нашай ацэнкі, гэты аб'ём паставак «Вагнеру» не зменіць становішча на полі бою ва Украіне, але мы занепакоеныя тым, што КНДР плануе працягваць вайсковыя пастаўкі «Вагнеру», — гаворыцца ў заяве амбасадара ЗША ў ААН Лінды Томас-Грынфілд.
Па словах пасла, закупкі Расіяй ўзбраення ў КНДР з'яўляюцца парушэннем рэзалюцый ААН аб санкцыях супраць Паўночнай Карэі.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары