Параўналі, колькі праглядаў сабралі ў ютубе звароты Ціханоўскай і Лукашэнкі
За 20 гадзінаў на асноўных платформах ютуба відэа з выступам лідаркі дэмакратычнай Беларусі набрала 326 тысяч праглядаў. У Аляксандра Лукашэнкі — 458 тысяч. Лукашэнкаў выступ сабраў таксама больш каментароў — але многія з іх яўна напісаныя ботамі пад капірку.
Святлана Ціханоўская
Выступ Святланы Ціханоўскай, акрамя яе Youtube-канала, транслявалі Еўрарадыё, «Краіна для жыцця», «Белсат NEWS»:
— 135 тысяч праглядаў сабраў зварот на яе Youtube-канале;
— 76 тысяч на канале «Краіна для жыцця»;
— 72 тысячы на Еўрарадыё;
— 43 тысячы праглядаў на «Белсат NEWS».
12-хвілінны выступ Святланы Ціханоўскай пракамэнтавалі 2010 чалавек.
Лідарка дэмакратычнай Беларусі звярнулася да суайчыннікаў па-беларуску і па-руску. Яна заклікала да адзінства, каб не дапусціць уцягвання Беларусі ў вайну.
«Расія прайграе гэтую вайну, а мы, беларусы, ці адправімся за ёю ў прорву, ці зможам пабудаваць мірную будучыню, якую заслугоўваем», — казала ў звароце Святлана Ціханоўская.
Летась, за першыя 24 гадзіны відэазварот Святланы Ціханоўскай сабраў 711 тысяч праглядаў на чатырох асноўных ютуб-каналах, якія яго транслявалі.
418 тысяч чалавек паглядзелі яго ў ютуб-канале самой Ціханоўскай. 127 тысяч праглядаў зварот набраў на канале «Белсата», 123 тысячы разоў на канале «Краіна для жыцця» і 43 тысячы на канале «Радыё Свабода».
Аляксандр Лукашэнка
Выступ Аляксандра Лукашэнкі паказвалі на сваіх Youtube-каналах БТ, СТБ, БелТА, АНТ:
— 192 тысячы праглядаў Лукашэнкаў зварот сабраў на канале БелТА;
— 157 тысяч у АНТ;
— 78 тысяч праглядаў у БТ;
— 31 тысяча ў СТБ.
Праўда, традыцыйна аўдыторыю гэтых каналаў у значнай ступені складаюць расіяне і рускія ў розных краінах свету.
16-хвілінны выступ Аляксандра Лукашэнкі сабраў 3720 каментароў.
Лукашэнка выступаў па-руску. Ён абвясціў 2023-ці «годам міру і стварэння» і заклікаў шанаваць людзей у пагонах.
«Наступны год мы аб'яўляем Годам міру і стварэння. Гэта адпавядае і духу часу, і памкненням нашых сэрцаў», — абвясціў у звароце Лукашэнка.
У апошні дзень 2022 года каліноўцы штурмавалі расійскія пазіцыі, двух байцоў лёгка параніла. Новы год добраахвотнікі сустрэлі гімнам «Пагоня» ВІДЭА
«Хачу пажадаць беларусам вытрымкі ў новым годзе». Кіраўнік «Байпола» павіншаваў з 2023 годам
«Ёсць чым і ганарыцца». Франак Вячорка назваў 10 дасягненняў Офіса Святланы Ціханоўскай
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак8
Каментары