Правільны догляд валасоў дапамагае захаваць шавялюру прыгожай. Акрамя выбару якаснай касметыкі, варта не забывацца і пра тое, як мы мусім даглядаць валасы пасля мыцця.
Існуе перакананне, што лепш даваць валасам высахнуць самастойна, бо сушка фенам іх псуе. Але, наадварот, валасы могуць пашкодзіцца, калі мы пакідаем іх сушыцца без нашай дапамогі, а вільготная скура галавы больш уразлівая на інфекцыі.
Добры фен і ўмелае абыходжанне з ім не толькі не пагоршаць стан валасоў, а могуць нават палепшыць яго. Мокрыя локаны лягчэй пашкодзіць, бо тады кутыкула — вонкавы слой воласа — не цалкам закрытая. Высушаныя валасы больш устойлівыя да механічных пашкоджанняў, а сухая скура галавы не схільная да свербу, перхаці і мікозу.
Таму дзейнічаем наступным чынам. Калі вы вымылі галаву, акуратна прамакніце валасы баваўняным ручніком, прытым важна не церці яго аб валасы і не тузаць іх.
Пасля таго, як вы сабралі з валасоў лішнюю ваду, нанясіце на іх тэрмаахоўны касметычны сродак, які дадаткова абароніць валасы ад высокіх тэмператур. Гэта можа быць міст, спрэй, алей ці крэм — што вам больш падабаецца.
Потым пераходзім да сушкі: калі ў вас доўгія і густыя валасы, варта падзяліць іх на часткі, каб сушыць іх было зручней і хутчэй.
Лепш за ўсё сушыць валасы фенам з рэгуляванай тэмпературай паветра, іанізацыяй і магчымасцю сушкі халодным паветрам.
Валасы не любяць гарачага паветра, таму варта сушыць іх папераменку цёплым і халодным паветрам, аптымальная тэмпература — 30 градусаў.
Не забывайце трымаць фен на адлегласці 20—30 сантыметраў ад валасоў. А для найлепшага эфекту сушыце іх у кірунку ад каранёў да кончыкаў.
Ці можа чалавецтва раз і назаўжды вырашыць праблему аблысення?
Як часта трэба мыць галаву?
«Жанчынам сівізна падабаецца». Мужчыны і жанчыны расказваюць, як пасівелі ў 15, 16 і нават 9 гадоў і што з гэтым рабілі
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары
а. у вашай казарме такіх няма?
і не буду сушыць
калі шэў упадабае і такія мае валасы, то
нават я не знаю, куды падзець вQQчы мае