На Мюнхенскай канферэнцыі Украіна будзе гаварыць пра ракеты, самалёты і ўступленне ў НАТА
Міністр замежных спраў Украіны Дзмітрый Кулеба паведаміў у панядзелак, што на Мюнхенскай канферэнцыі па бяспецы ў канцы наступнага тыдня прадстаўнікі Украіны будуць казаць пра пастаўкі ракет і самалётаў, а таксама пра уступленне Украіны ў НАТА і будучыню Расіі.
«У гэтым годзе мы будзем прасоўваць на Мюнхенскай канферэнцыі па бяспецы прыярытэтныя для Украіны тэмы. Ключавая — гэта пастаўкі дальнабойных ракет і адкрыццё паставак баявых самалётаў, паколькі менавіта самалёты з'яўляюцца апошнім відам зброі, які трэба разблакаваць, усе іншыя пазіцыі мы за мінулы год адкрылі каманднымі намаганнямі», — цытуе прэс-служба МЗС выступленне Кулебы ў тэлеэфіры.
«Будзем таксама гаварыць пра членства Украіны ў НАТА і ў агульным пра будучыню Расіі», — дадаў Кулеба.
Штогадовая Мюнхенская канферэнцыя ў гэты раз пройдзе з 17 па 19 лютага.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі13
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1212
Каментары