Расійскі спадарожнік быў знішчаны на арбіце па невядомых прычынах — утварылася воблака абломкаў
Расійскі спадарожнік «Космас-2499» быў знішчаны на арбіце ў ноч на 3 студзеня, паведамляе 18-я эскадрылля касмічнай абароны (18 SDS) Касмічных сіл ЗША, якая адсочвае рух штучных аб'ектаў на арбіце. Прычына здарэння не ўстаноўлена.
З-за распаду спадарожніка ўтварылася, прынамсі, 85 абломкаў, якія можна адсачыць. Гэта воблака касмічнага смецця круціцца на вышыні 1169 кіламетраў над Зямлёй. З-за памераў воблака на яго знішчэнне атмасферным ціскам спатрэбіцца больш за стагоддзе.
Спадарожнік быў запушчаны на арбіту Зямлі ў маі 2014 года ракетай-носьбітам «Рокат» з трыма вайсковымі спадарожнікамі сувязі «Крыніца».
Як піша Space.com, даследчыкі мяркуюць, што спадарожнікі «Космас-2499» і «Космас-2491» мелі тэхналогію для пераследу і вываду з ладу іншых спадарожнікаў. У Раскосмасе сцвярджалі, што спадарожнікі створаны нібыта для мірных мэтаў.
Па даных Еўрапейскага касмічнага агенцтва, на гэты момант на арбіце маецца каля 36 500 абломкаў касмічнага смецця памерам не менш за 10 сантыметраў.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
у тым самым маі, калі
"в Донецкой и Луганской областях были проведены референдумы о самоопределении, по итогам которых было объявлено о «государственной самостоятельности» ДНР и ЛНР"