Галоўны разведчык Украіны: Вясной на фронце наступіць пераломны момант
Чарговы расійскі наступ ва Украіне ўжо пачаўся, але ён настолькі няякасны, што амаль непрыкметны. Пра гэта сказаў у інтэрв'ю Forbes-Украіна кіраўнік Галоўнага ўпраўлення разведкі Мінабароны Украіны (ГУР) Кірыла Буданаў.
«Ён так ідзе, што не ўсе гэта нават бачаць, — такой якасці гэты наступ. У іх ёсць стратэгічная задача — да 31 сакавіка выйсці на адміністрацыйныя межы Данецкай і Луганскай абласцей», — сказаў Буданаў.
Па яго словах, Расія, улічваючы колькасць насельніцтва краіны, не адчувае праблем з наборам асабовага складу. Але большасць тых, хто трапляе на фронт, — ненавучаныя і дрэнна экіпіраваныя мабілізаваныя, якія ваююць на «Камазах» і «Уралах».
Некалькі разоў у інтэрв'ю кіраўнік ГУР паўтарыў, што Расія — не Савецкі Саюз, у яе няма таго вайсковага патэнцыялу і магутнасцяў вайскова-прамысловага комплексу, пра якія заяўляюць расійскія чыноўнікі.
За адзін ракетны абстрэл Украіны Расія траціць больш ракет, чым здольная вырабіць, сцвярджае Буданаў. Тое ж, па яго словах, тычыцца ўсіх іншых відаў узбраенняў і боепрыпасаў.
На думку кіраўніка ўкраінскай разведкі, у другой палове вясны адбудуцца вырашальныя баі і на фронце наступіць пераломны момант.
Ён устрымаўся ад канкрэтных прагнозаў, але сказаў, што перамозе Украіны спрыяюць два асноўныя моманты: яна вядзе барацьбу на сваім полі і на яе баку ўвесь цывілізаваны свет.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары