«Лепш, чым апынуцца ў турме». Дваравыя актывісты прапанавалі сваю версію, як выдаліць гісторыю ахвяраванняў праз Facebook

Па меркаванні «Кааліцыі пратэсных двароў» (КПД), адзіны шлях — гэта выдаліць акаўнт, ачысціць кэшы і стварыць новы акаўнт. А на выкліках на «гутаркі» пра ахвяраванні адказваць, што вы ва ўпор не памятаеце, што нешта ахвяравалі, і не сведчыць супраць сябе.

1. Зарэгіструйце новы «чысты» e-mail

• Адкрыйце браўзер у рэжыме «інкогніта» (гэта вельмі важны пункт!) і лепш не закрывайце гэтую старонку да завяршэння працэсу.
• Зайдзіце на старонку рэгістрацыі ў Proton або Tutanota. Абодва сэрвісы падтрымліваюць бясплатныя тарыфныя планы.
• Прыдумайце сабе логін і пароль, не звязаныя з вамі, і запішыце іх, але так, каб лёгка было іх «забыць» пасля. Лепш адразу зрабіць іх такімі, каб іх цяжка было запомніць.
• Адмоўцеся ад прывязкі рэзервовай пошты і нумара тэлефона.
• Завяршыце рэгістрацыю, панаціскаўшы на «прывітальныя» кнопкі.

2. Прывяжыце наваствораны e-mail да Facebook

• Націсніце на фота профілю ў правым верхнім вугле Facebook.
• Абярыце «Налады і канфідэнцыяльнасць», а пасля націсніце пункт «Налады».

Павялічыць

• На ўкладцы «Агульныя» абярыце «Кантактная інфармацыя», націсніце «Змяніць».

Павялічыць

• Націсніце «Дадаць іншы электронны адрас або нумар мабільнага тэлефона», увядзіце толькі што зарэгістраваны e-mail, а пасля націсніце «Дадаць».
• Увядзіце ваш пароль Facebook, націсніце «Адправіць», а пасля — «Закрыць».

Павялічыць

• На ваш Proton або Tutanota дашлюць ліст з пацвярджэннем дадавання адраса. Перайдзіце па спасылцы ў гэтым лісце, каб пацвердзіць, што вы хочаце дадаць гэты электронны адрас у акаўнт Facebook.

3. Выдаліце іншыя e-mail'ы з профілю

• Зайдзіце ў меню «Налады і канфідэнцыяльнасць», а пасля націсніце «Налады», як у мінулым пункце.
• На ўкладцы «Агульныя» абярыце «Кантактная інфармацыя».
• Націсніце «Выдаліць» побач з адрасам, які трэба выдаліць, — гэты пункт з'явіцца пасля дадавання новага адраса.

Павялічыць

4. Выдаліце прывязаны да старонкі нумар тэлефона

• Зайдзіце ў меню «Налады і канфідэнцыяльнасць», а пасля націсніце «Налады».
• Абярыце «Мабільныя прылады» ў слупку ў левай частцы экрана.

Павялічыць

• Націсніце «Выдаліць» пад нумарам, які хочаце прыбраць і абярыце галачку «Я разумею, што магу згубіць доступ да свайго акаўнта».

Павялічыць

• Націсніце «Выдаліць нумар» для пацвярджэння.

Павялічыць

5.1 Выдаліце Facebook-акаўнт, калі вы не прывязвалі яго да «Цэнтра акаўнтаў» (не аб'ядноўвалі інстаграм і фэйсбук у адну сетку)

• Зноўку зайдзіце ў меню «Налады і канфідэнцыяльнасць» і абярыце «Налады».
• Націсніце «Ваша інфармацыя на Facebook» і дагартайце да пункта «Дэактывацыя і выдаленне» і націсніце «Паглядзець».

Павялічыць

• Абярыце «Выдаленне акаўнта» і націсніце «Працягнуць з выдаленнем акаўнта».

Павялічыць

• Націсніце «Выдаліць акаўнт», увядзіце пароль і абярыце «Працягнуць». Акаўнт выдалены.

Павялічыць

5.2. Выдаліце фэйсбук-акаўнт, калі вы аб'ядналі акаўнты ў «Цэнтр акаўнтаў»

• Націсніце на фота профілю ў правым верхнім куце акна Facebook. Абярыце «Налады і прыватнасць», а пасля «Налады».

Павялічыць

• Націсніце «Accounts Center» у левым куце экрана.

Павялічыць

• У «Цэнтры акаўнтаў» перайдзіце ў пункт «Асабістыя звесткі».

Павялічыць

• Націсніце «Кіраванне акаўнтам» і абярыце пункт «Deactivation or deletion».

Павялічыць

• Абярыць патрэбны акаўнт і націсніце «Выдаліць акаўнт».

Павялічыць

• Кіруйцеся далейшымі інструкцыямі і дайдзіце да выдалення акаўнта.

Павялічыць

6. Пачысціце кэш

Закрыйце фэйсбук і ўсе адкрытыя браўзеры. Далей пачысціце кэш вашых браўзераў. Вы можаце зрабіць гэта або проста з браўзера, або з дапамогай старонняй праграмы, напрыклад, бясплатнай CCleaner. Таксама лепш выдаліць і пераўсталяваць нанова праграму Facebook для смартфонаў.

7. Зарэгіструйце новы акаўнт

• Стварыце акаўнт нанова і прывяжыце да яго той нумар, які быў прывязаны да вашай выдаленай старонкі.
• Прывяжыце да акаўнта вашу старую паштовую скрыню і ні ў якім разе не дадавайце туды «чысты» e-mail, які вы стваралі спачатку.
• Забудзьцеся пра ваш «чысты» e-mail і выдаліце пароль ад яго. Карыстайцеся новым Facebook-акаўнтам.

Чытайце яшчэ:

Як зарэгістраваць ананімныя акаўнты ў Telegram, сацсетках і іншых месенджарах — падрабязны гайд

Як схаваць, што ты данаціў праз фэйсбук? Валерый Цапкала і Андрэй Стрыжак маюць розныя меркаванні

• 62
• 0
• 0
• 4
• 2
• 5
• 7
• 0