Грамадства

Мінула 4 дні, як КДБ забраў выдаўца Змітра Коласа. Звязана са справай пра Мачулішчы?

Інфармацыя, што Зміцер Колас затрыманы, з'явілася 4 сакавіка. Ці выстаўленае яму абвінавачванне, невядома. Раней затрыманне звязвалі з выдавецкай дзейнасцю, пасля з'явіліся меркаванні пра сувязь з падзеямі вакол дыверсіі ў Мачулішчах.

Зміцер Колас. Фота: pushlib.org.by

Знаёмыя Змітра Коласа расказалі «Нашай Ніве», што выдавец на свабоду яшчэ не выйшаў. 4 сакавіка ў яго кватэры адбыўся ператрус, а пасля яго заканчэння гаспадара забралі. Згодна з заканадаўствам, абвінавачванне павінна быць выстаўленае на працягу трох дзён пасля затрымання. Невядома, ці трапіў да арыштаванага адвакат. Паводле заканадаўства, абвінавачванне выстаўляецца ў прысутнасці абаронцы ці законнага прадстаўніка зняволенага.

5 сакавіка нехта з супрацоўнікаў выдавецтва «Зміцер Колас» у сацыяльных сетках паведаміў аб прыпыненні дзейнасці, а крыніца з кніжных колаў пацвердзіла, што Колас і яго друкар — у Камітэце дзяржаўнай бяспекі.

З 5 сакавіка звестак пра лёс Змітра Коласа няма. Яго затрыманне не было пацверджанае праўладнымі медыя ці тэлеграм-каналамі сілавікоў.

Невядома, што Коласу інкрымінуецца. Магчыма, яго забралі, бо друкар з ягонага выдавецтва быў затрыманы па справе аб дыверсіі супраць расійскага самалёта-наводчыка ў Мачулішчах. Прозвішча друкара — Алег Сычоў. Улады заявілі, што грамадзянін Украіны Мікалай Швец, якога лукашысты абвінавацілі ў датычнасці да дыверсіі, быў затрыманы ў доме Алега Сычова ў вёсцы Чарцяж Бараўлянскага сельсавета.

Пакуль гэтай інфармацыі не было, знаёмыя Коласа меркавалі, што нагодай для затрымання мог стаць зборнік «Вызваленыя і заняволеныя. Польска-беларускае памежжа 1939—1941 гадоў у дакументах беларускіх архіваў». Ён зʼявіўся ў спісе экстрэмісцкіх матэрыялаў 17 студзеня 2023 года па рашэнні суда Цэнтральнага раёна Мінска. Яго прызнанне экстрэмісцкім — частка шырокай кампаніі лукашыстаў па перапісванні гісторыі.

66-гадовы Зміцер Колас, сын літаратурнага крытыка Георгія Коласа і брат кінарэжысёра і педагога Уладзіміра Коласа, зрабіў сабе імя яшчэ ў 1980-я перакладамі з французскай мовы на беларускую. З 1990-х Колас займаецца выдавецкай справай.

Выдавецтва «Зміцер Колас» вядомае кнігамі сусветнай паэзіі, прозы, драматургіі ў найлепшых беларускіх перакладах.

Шырокае прызнанне атрымала кніжная серыя выдавецтва «Паэты планеты». У цыкле выйшла 100 вершаваных зборнікаў найвыдатнейшых паэтаў свету — у прыватнасці, Гіёма Апалінэра, Уільяма Блэйка, Генрыха Гайнэ, Георга Гайма ды іншых, — у перакладзе на беларускую мову.

Акурат 28 лютага прайшла прэзентацыя 100-га выпуску серыі.

Чытайце таксама: 
Выдавецтва «Зміцер Колас» часова прыпыняе сваю дзейнасць. Ёсць звесткі, што Зміцер Колас — у КДБ

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць