Аўто99

«Такіх «Аўдзі» амаль не засталося». Па якіх цэнах беларусы прадаюць народныя аўтамабілі

Некаторыя аўтамабілі ў Беларусі, як віно, з гадамі толькі даражэюць. І тычыцца гэта не толькі лімітаваных версій з абмежаваным выпускам, а звычайных Audi і VW родам з канца мінулага стагоддзя. Паглядзелі, па якіх цэнах беларусы прадаюць «народныя аўтамабілі» і чым яны абгрунтоўваюць такія кошты.

VW Passat універсал

Дызельны «Пасат» у кузаве ўніверсал настолькі легендарная для Беларусі машына, што нават Лявон Вольскі прысвяціў ёй адну са сваіх песень. Самымі народнымі лічацца «Пасаты» трэцяга і чацвёртага пакаленняў. Асаблівую любоў да гэтай мадэлі традыцыйна праяўляюць жыхары прыгранічных з краінамі ЕС рэгіёнаў. Там яе любяць у першую чаргу за паліўны бак на 100 літраў.

Самы дарагі з народных VW Passat прадаецца ў Мастах. Цікава, што гэта не B4 апошніх гадоў выпуску, а В3 1992 года. За яго просяць 4600 даляраў!

Скрыншот з сайта av.by

У апісанні пазначана, што аўтамабіль знаходзіцца ў вельмі добрым стане. Адзін уласнік з 2007 года. 

Фота: av.by

Пад капотам у «Пасата» дызельны рухавік аб'ёмам 1,9 літра. Заяўлены прабег — 409 тысяч км. Мяркуючы па фота, стан у машыны сапраўды добры, але назваць гэты аўтамабіль капсулай часу ці музейным экспанатам нельга.

Фота: av.by

Знутры «Пасат» таксама выглядае някепска для 31-гадовага аўто, але калі прыглядзецца, то можна заўважыць, што ў салоне нейкі вінегрэт. Пярэднія крэслы адрозніваюцца ад задніх колерам і тыпам матэрыялу. Абшыўкі дзверцаў таксама не супадаюць па колеры матэрыялу з сядзеннямі.

Audi «бочка»

На сто даляраў даражэй у Жлобіне прадаюць Audi 80 B3 1991 года выпуску. Заяўлены прабег аўтамабіля — 428 700 км. Прадавец 32-гадовай «бочкі» за $4700 запэўнівае, што аўтамабіль знаходзіцца не толькі ў выдатным стане, але і ў заводскай афарбоўцы. 

 Скрыншот з сайта av.by

«Кузаў ацынкаваны, у роднай фарбе з заводскімі палосамі-налепкамі на кузаве, машына не вараная, моцная, такіх «Аўдзі» вельмі мала ці амаль не засталося», — запэўнівае прадавец.

Фота: av.by

Сярод іншага, гаспадар адзначае прыгожы колер аўтамабіля, новыя пакрышкі і нядаўна пройдзены дзяржтэхагляд.

Audi «сігара»

Калі вам здаецца, што больш за 4 тысячы даляраў за аўтамабілі першай паловы 90-х — гэта too much, то вось вам Audi 100 C3 1989 года выпуску за $4200. Такі аўтамабіль прадаюць у Брэсце.

 Скрыншот з сайта av.by

У апісанні пазначана, што машына знаходзіцца ў добрым стане і прадаецца разам з двума камплектамі літых дыскаў з новымі пакрышкамі. Пад капотам у Audi бензінавы рухавік аб'ёмам 1,8 літра.

Фота: av.by

На некаторых здымках бачна, што аўтамабіль мае таніраваныя вокны. З прыемнага можна адзначыць, што чалавек, які будзе гатовы набыць самую дарагую Аudi 100 у кузаве С3, зможа эканоміць на паліве, бо аўтамабіль абсталяваны газавай устаноўкай.

Дзве Audi А6 С4 па 7 тысяч

Іншы народны аўтамабіль, які карыстаецца попытам у беларусаў ужо не адно дзесяцігоддзе, — Audi А6 С4. Адна з дзвюх самых дарагіх «Аўдзі» ў кузаве С4 прадаецца ў Іўі. За машыну 1997 года выпуску просяць 7000 даляраў. 

Машына хоць і адна з самых дарагіх, але каплектацыя ў яе даволі сціплая нават па мерках 1997 года. Пад капотам тут 1,9 ТДІ на 90 к.с.

Фота: av.by

Цікава, што гэты прадавец не адзіны, хто хоча атрымаць за падобную «Аўдзі» 7 тысяч даляраў. Наступная па цане машына таксама не далека адышла ад самых дарагіх, яе цана — $6700.

Скрыншот з сайта av.by

VW Т4

Самым народным сярод мікрааўтобусаў з'яўляецца VW T4. За самы дарагі з выстаўленных на продаж «Тэчыкаў» просяць 13 500 даляраў. 

Скрыншот з сайта av.by

Прадаецца такі мікрааўтобус у Глуску. Заяўлены прабег 23-гадовага мікрааўтобуса — 320 тысяч кіламетраў. Пад капотам у гэтага Т4 — дызельны рухавік аб'ёмам 2,5 літра.

Фота: av.by

Аздабленне салона просценькае, бо гэта не нейкая там Caravelle ці Multivan, а звычайны Transporter. У апісанні прадавец адзначае, што бус знаходзіцца ў вельмі добрым стане.

Чытайце таксама: 

Нават «карчы» падаражэлі на 20-30%. Як па назіраннях прадаўцоў змяніліся цэны на старыя аўтамабілі 

Пасля перасячэння беларускай мяжы машыны з Еўропы «губляюць» дзясяткі тысяч кіламетраў. Як прадаўцы падманваюць з прабегам аўто

Каментары9

  • Россиянин
    27.03.2023
    Себе оставьте, убогие
  • Беларус
    27.03.2023
    Россиянин, ехал бы ты отсюда. Тебе здесь не рады (это даже еще мягко сказано)
  • Ваше кредо - белая лада за черный пакет
    27.03.2023
    Россиянин, неужели новое москвичи и лады без гидроусилителеля будут лучше?

Цяпер чытаюць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць5

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Усе навіны →
Усе навіны

Польскія памежнікі паказалі, як мігранты спрабуюць пераадолець на мяжы падвоеную перашкоду ВІДЭА2

На фронце ва Украіне знік без вестак яшчэ адзін беларус, які паваяваў на баку Расіі месяц3

Будучыня беларускага электрамабіля ў тумане: «Магілёўліфтмаш» і «Вымяральнік» робяць занадта дарагія запчасткі1

У Лідскім раёне можна набыць пад жыллё будынак былой чыгуначнай станцыі 120-гадовага ўзросту

Беларусы Варшавы масава пайшлі на канцэрт Валерыя Меладзэ59

Васкрасенскі напісаў, што Луцкіна прасілася вярнуцца на БТ, але Эйсмант не ўзяў. Луцкіна: «Хлусня»9

«Класіка савецкай дыпламатыі» — Сікорскі прыгожа падшпіліў Захараву4

«Ён сябраваў з цемнаскурым слугой». Бацька Ілана Маска запэўніў, што ягоны сын не расіст18

У Мінску прадаецца кватэра, з якой можна выйсці праз акно6

больш чытаных навін
больш лайканых навін

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць5

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Галоўнае
Усе навіны →

Заўвага:

 

 

 

 

Закрыць Паведаміць