Навука і тэхналогіі11

4G-інтэрнэт павінен з’явіцца на Месяцы да канца гэтага года

4G-сетка ад кампаніі Nokia будзе выкарыстоўвацца ў рамках місіі NASA «Artemis-1», мэтай якой стане адпраўка людзей на паверхню Месяца ўпершыню з 1972 года.

Выява: vecteezy

Фінская тэлекамунікацыйная група Nokia плануе запусціць сетку на ракеце SpaceX у бліжэйшыя месяцы, паведаміў журналістам Луіс Маэстра Руіс Дэ Тэміна, галоўны інжынер Nokia, падчас нядаўняй выставы Mobile World Congress у Барселоне.

Nokia заяўляе, што тэхналогія распрацавана, каб вытрымліваць экстрэмальныя ўмовы космасу. Кампанія хоча паказаць, што зямныя сеткі могуць задаволіць камунікацыйныя патрэбы для будучых касмічных місій: астранаўты змогуць камунікаваць адзін з адным і з органамі кіравання місіяй, дыстанцыйна кіраваць месяцаходам і трансляваць відэа і даныя тэлеметрыі на Зямлю ў рэжыме рэальнага часу.

Сетка будзе сілкавацца ад абсталяванай антэнай базавай станцыі, якая будзе захоўвацца ў месяцовым пасадачным апараце Nova-C, спраектаваным амерыканскай касмічнай кампаніяй Intuitive Machines, а таксама ад спадарожнага месяцахода на сонечных батарэях. Паміж пасадачным апаратам і месяцаходам будзе ўстаноўлена LTE-злучэнне.

Уся гэтая інфраструктура прызямліцца (ці хутчэй прымесячыцца) ў раёне кратара Шэклтан, які знаходзіцца ўздоўж паўднёвага лімба Месяца (бачнага краю дыска Месяца), паведамляе CNBC. Хоць пасадачны апарат і будзе запушчаны з дапамогай ракеты SpaceX, але сам пасадачны модуль на паверхню Месяца будзе дастаўлены дзякуючы ўласнай рухальнай сістэме, якая і дапаможа яму завяршыць падарожжа.

Апроч забеспячэння перадачы даных, дыстанцыйнага кіравання месяцаходамі, навігацыі ў рэжыме рэальнага часу і перадачы струменевага відэа высокай разрознасці, адной з іншых мэтаў кампаніі з’яўляецца пошук месяцовага лёду. Хоць большая частка паверхні Месяца сухая, нядаўнія беспілотныя місіі прывялі да адкрыцця рэшткаў лёду, замкнёных у абароненых кратарах вакол полюсаў.

Такую ваду можна апрацоўваць і выкарыстоўваць для піцця, расшчапляць на вадарод і кісларод для выкарыстання ў якасці ракетнага паліва або раздзяляць, каб забяспечваць астранаўтаў прыдатным для дыхання кіслародам.

Запланаваная місія стане сур’ёзным выпрабаваннем магчымасцяў перад пачаткам верагоднага камерцыйнага выкарыстання Месяца і магчымых будучых горназдабыўных работ, для якіх неабходна наяўнасць сур’ёзнай інфраструктуры і правільных даных аб знаходжанні пэўных рэсурсаў. Таму цалкам мажліва, што падключэнне Месяца да Інтэрнэту стане адным з першых крокаў на шляху для будучых экспедыцый, бо машынабудаўнічы гігант Rolls Royce, напрыклад, ужо плануе будаўніцтва ядзернага рэактара для забеспячэння энергіяй будучых даследчыкаў і насельнікаў нашага адзінага натуральнага спадарожніка.

Каментары1

  • Незнайка на Луне
    09.04.2023
    Странные люди. На земную экологию им нас...то а Луну вот надо разрабатывать.

Цяпер чытаюць

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі14

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Усе навіны →
Усе навіны

Беларусы ставяць адну зорку дзіцячаму цэнтру, які трапіў у скандал з беларускай мовай13

Нетаньяху выказаўся адносна магчымага забойства вярхоўнага лідара Ірана5

Трамп заявіў, што Пуцін не пачаў бы вайну, каб Расію не выключылі з «Вялікай васьмёркі»12

У Віцебску двухгадовы хлопчык упаў з дзясятага паверха

Паліна з Салігорска набрала 400 балаў на экзаменах. Вось куды яна будзе паступаць8

У Кіраўску брат забіў сястру, хочучы абараніць яе ад мужчын са сваіх галюцынацый

На Заслаўскім замку спрабуюць раскрыць таямніцу падземнага ходу2

Іран прыпыніў здабычу газу на найбуйнейшым у свеце радовішчы

Пасля разносу Лукашэнкі «Беларусьфільм» бярэцца ствараць «лінейку сваіх серыялаў»5

больш чытаных навін
больш лайканых навін

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі14

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Галоўнае
Усе навіны →

Заўвага:

 

 

 

 

Закрыць Паведаміць