У Барысаве таксіст на аўтамашыне Skoda здзейсніў наезд на мужчыну, паведамілі ў Следчым камітэце Беларусі. Інцыдэнт адбыўся ўвечары 12 красавіка.
Кіроўца ехаў па вуліцы Гагарына і недалёка ад дома № 52 здзейсніў наезд на пешахода, які пераходзіў дарогу ў неналежным месцы. Пацярпелага з траўмамі даставілі ў бальніцу, аднак выратаваць яго не ўдалося.
На гэты момант высвятляецца асоба загінулага. Барысаўскім раённым аддзелам Следчага камітэта заведзена крымінальная справа па ч. 2 арт. 317 (парушэнне правілаў дарожнага руху, якое пацягнула па неасцярожнасці смерць чалавека) Крымінальнага кодэкса Беларусі.
Каментары