Эканоміка66

Стаўкі па валютных дэпазітах у беларускіх банках рэзка змяніліся проці мінулага года

На сёння рублёвыя дэпазіты сталі больш выгадныя за валютныя.

Стаўкі па ўкладах знізіліся ў некалькі разоў

Летась працэнтныя стаўкі па ўкладах маглі прыемна здзівіць укладчыкаў. 

Напрыклад, у жніўні мінулага года нават кароткатэрміновы (3 месяцы) безадзыўны уклад у далярах ад Беларусбанка меў стаўку ў 5% гадавых. Доўгатэрміновыя ўклады ў валюце былі і пад 7%.

Скрыншот з сайта belarusbank.by ад 11.08.2022

Цяпер Беларусбанк гатовы браць даляры на тры месяцы пад 0,2% гадавых. Максімум, які прапануе Беларусбанк па ўкладах у далярах, — гэта 2,9%, калі разглядаць безадзыўныя ўклады тэрмінам на 3-5 год. Падобныя стаўкі і ў іншых банках краіны.

Скрыншот з сайта belarusbank.by ад 10.04.2023

Працэнты па ўкладах у беларускіх рублях складаюць каля 12—13%, калі разглядаць безадзыўныя ўклады тэрмінам ад года. Летась стаўкі па ўкладах у рублях дасягалі 21,5—26,5% гадавых.

«У мінулым годзе стаўкі былі значна вышэйшыя, паколькі банкі былі зацікаўлены ў прыцягненні валюты. Асабліва такая патрэба адчувалася пасля пачатку вайны, калі людзі сталі масава забіраць валюту.

Тады, каб прыпыніць адток, яны былі вымушаныя падымаць стаўкі, тым самым імкнучыся захаваць старых і прыцягнуць новых ўкладчыкаў. Калі сітуацыя нармалізавалася, яны пайшлі шляхам зніжэння ставак», — кажа экспертка BEROC Настасся Лузгіна.

Яна тлумачыць нізкую зацікаўленасць у валютных укладах з боку банкаў, у тым ліку тым, што ў Беларусі даволі высокія працэнтныя патрабаванні па адлічэнні ў фонд абавязковых рэзерваў Нацыянальнага банка (ФАР).

«Цяпер гэта 16%, то-бок банк, які прыняў грошы ад ўкладчыка, абавязаны 16% ад сумы перавесці ў гэты фонд. Гэта тая сума, якая па факце не працуе і не прыносіць прыбытку банку», — адзначае Лузгіна.

Усё дзеля дэдалярызацыі

Паводле слоў эканамісткі, высокія стаўкі па адлічэнні ў абавязковы рэзервовы фонд рэгулятар уводзіць з мэтай дэдалярызаваць эканоміку.

«Калі ў замежнай валюце гэта 16 працэнтаў, то ў нацыянальнай — усяго 4. У Расіі таксама нядаўна пайшлі шляхам павышэння стаўкі па валютных укладах у ФАР з 5 да 7%», — адзначае экспертка.

Цяперашнія стаўкі па валютных укладах настолькі малыя, што не пакрываюць ўзровень даляравай інфляцыі.

«На іх фоне ўклады ў беларускіх рублях выглядаюць больш прывабна, бо працэнты па іх перавышаюць узровень інфляцыі.

Але пры гэтым яны застаюцца менш прадказальным фінансавым інструментам з прычыны больш высокай валацільнасць курсу беларускага рубля ў параўнанні з курсам таго ж даляра. Апошні год яшчэ раз пацвердзіў, што ва ўмовах ўзрастаючых эканамічных дысбалансаў інфляцыя ў Беларусі досыць хутка разганяецца, што досыць хутка можа з'ядаць даход ад зберажэнняў».

Тым не менш, экспертка адзначае, што на банкаўскія ўклады трэба глядзець, як на інструмент зберажэння, а не як на спосаб атрымліваць інвестыцыйны даход

Чытайце таксама: 

Мабільным аператарам дадуць права выдаваць пазыкі

Ці варта цяпер разглядаць куплю нерухомасці як добрую інвестыцыю і сродак зберажэння накапленняў?

Каментары6

  • За Свабоду!
    20.04.2023
    Зберажэнні ў беларускіх рублях наяўнымі ці нават пад 13%-без каментароў, нават ахвяры "ўнукі папалі ў дтз" і тое ў валюце аддаюць, нават да старых дайшло, што такое рубель. Пад 0,2 працента ў далярах-не смешна, пад 3% на тры гады і не здымешь раней-яшчэ больш смешна. Наяўныя долары і еўра наша ўсё. 
  • Вот так
    20.04.2023
    Недавно забрал вклад. На следующей день при обмене в другом банке отказались принимать часть купюр. Короче ухожу в минус, нет смысла связываться
  • Максим Дизайнер
    20.04.2023
    %%

    Расскажи это развалившемуся Suisse Bank, опрокинувших клиентов на 50 ярдов, и изымающий по указке ЕС пачками активы по национальному признаку, на которых наживался всей страной десятилетиями, деревня.

Цяпер чытаюць

Стала вядома, дзе працуе фаварытка Лукашэнкі Уладлена Зайцава18

Стала вядома, дзе працуе фаварытка Лукашэнкі Уладлена Зайцава

Усе навіны →
Усе навіны

Масіраваная атака БПЛА на Расію: пажары на нафтазаводах, радыёзаводзе і выбухі каля вайсковага аэрадрома6

Расіяне выбралі, які помнік будзе пастаўлены ў Гомелі30

Штучны інтэлект можа прывесці да вымірання чалавецтва, папярэджваюць эксперты14

Папулярны блогер Пан Усялян другі раз стаў татам13

Расійскія турысты знайшлі на пляжы ў Тайландзе ваніты кашалота. Яны каштуюць шалёныя грошы1

Блогер параўнаў кошт адпачынку ў санаторыі «Радон» з паездкай на кітайскі востраў Хайнань — і быў шакаваны2

Дарадца Ціханоўскай перадаў лукашэнкаўскім дыпламатам прапанову пра круглы стол28

У адказ на балбатню Мядзведзева Трамп загадаў перамясціць ядзерныя падводныя лодкі10

МАРГ пайменна назвала ўсіх вінаватых у бульбяным дэфіцыце14

больш чытаных навін
больш лайканых навін

Стала вядома, дзе працуе фаварытка Лукашэнкі Уладлена Зайцава18

Стала вядома, дзе працуе фаварытка Лукашэнкі Уладлена Зайцава

Галоўнае
Усе навіны →

Заўвага:

 

 

 

 

Закрыць Паведаміць