«Божая кара за Умань». Украінская разведка заявіла, што ў Севастопалі знішчана дзесяць рэзервуараў з нафтапрадуктамі
Украінская разведка заявіла, што ў Севастопалі знішчана дзесяць рэзервуараў з нафтапрадуктамі для Чарнаморскага флоту РФ. Пра гэта заявіў прадстаўнік Галоўнага ўпраўлення разведкі Мінабароны Украіны Андрэй Юсаў, піша «РБК-Украіна».
Паводле яго слоў, у выніку выбуху ў Севастопалі 29 красавіка знішчана больш за 10 рэзервуараў з нафтапрадуктамі агульнай ёмістасцю каля 40 тысяч тон.
Прадстаўнік украінскай разведкі назваў выбух «Божай карай, у тым ліку за забітых цывільных ва Умані, сярод якіх пяцёра дзяцей».
Андрэй Юсаў заклікаў жыхароў Крыма «не знаходзіцца побач з вайсковымі аб'ектамі» і аб'ектамі, якія забяспечваюць расійскую армію. Паводле яго слоў, знішчаныя нафтапрадукты прызначаліся для патрэб Чарнаморскага флоту РФ.
Улады анексаванага Севастопаля сцвярджалі, што праз атаку дронаў адбыўся пажар на нафтабазе ў порце, загарэліся чатыры рэзервуары. Пажар ліквідаваны.
Чытаць таксама:
Гіганцкі пажар у Севастопалі. Украінскі беспілотнік знішчыў рэзервуары на армейскай нафтабазе
Расійская ракета трапіла ў шматпавярховік ва Умані. Загінулі 23 чалавекі
Да помніка Лесі Украінцы ў Маскве прынеслі кветкі ў памяць аб загінулых украінцах
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары