Эрдаган заявіў, што ў Турцыі знайшлі вялікія запасы высакаякаснай нафты
Прэзідэнт Турцыі Рэджэп Таіп Эрдаган абвясціў у аўторак пра адкрыццё новых запасаў нафты ў раёнах Джудзі і Габар у правінцыі Шырнак на паўднёвым усходзе краіны. Паводле яго слоў, вытворчая магутнасць новага радовішча ацэньваецца ў 100 тысяч бараляў у суткі, паведамляе агенцтва «Анадолу».
«Хачу падзяліцца добрымі навінамі. Мы выявілі запасы нафты з вытворчай магутнасцю 100 000 бараляў у суткі ў Джудзі і Габары», — сказаў прэзідэнт Турцыі на цырымоніі адкрыцця самай буйной сонечнай электрастанцыі ў Еўропе (СЭС «Карапынар») і запуску іншых нядаўна завершаных аб'ектаў у цэнтральнай правінцыі Конья.
Кіраўнік дзяржавы адзначыў, што нядаўна знойдзеная нафта «мае высакаякасную структуру».
Турэцкі лідар падкрэсліў, што «Турцыя больш не будзе залежаць ад іншых у энергетыцы, стаўшы дзяржавай-экспарцёрам энергіі».
Эрдаган таксама сказаў, што нафта, знойдзеная на глыбіні 2600 метраў, будзе здабывацца «з дапамогай 100 свідравін. «Запасы змогуць задавальняць адну дзясятую частку нашага штодзённага спажывання», — дадаў ён.
Эрдаган таксама паведаміў, што нафтавая свідравіна ў Габары будзе названая ў гонар маладой настаўніцы музыкі Айбуке Ялчын, якая была забітая ў выніку тэракту Рабочай партыі Курдыстана ў 2017 годзе на паўднёвым усходзе Турцыі.
«Спадзяюся, што наша новае радовішча, свідравіна Айбуке Ялчын — 1, дасць больш нафты, чым здабываецца па ўсёй краіне», — дадаў ён.
Нагадаем, што 14 мая ў Турцыі пройдуць прэзідэнцкія і парламенцкія выбары.
Чытаць таксама:
Эрдаган заяўляе, што турэцкая разведка забіла лідара «Ісламскай дзяржавы» у Сірыі
Эрдагану стала блага ў жывым эфіры
Эрдаган упершыню з'явіўся на публіцы пасля таго, як захварэў на страўнікавы грып
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
-
Параненых у Кракаве паліцыянтаў выратавалі два вядомыя хірургі: яны абедалі побач і кінуліся на дапамогу
-
Газ у Еўропе падаражэў утрая. Высокія рахункі могуць застацца яшчэ на некалькі гадоў
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку27
Каментары