У Гродне апублікавалі святочную афішу на 9 Мая з удзелам Газманава. Гараджане «ацанілі»
Учора была апублікавана праграма мерапрыемстваў да Дня Перамогі ў Гродне. План урачыстых мерапрыемстваў распаўсюдзілі дзяржаўныя і незалежныя медыя. Рэакцыя гараджан красамоўная.
Прапануюць спяваць разам з Газманавым
Сёлета падчас святкавання 9 Мая ў Гродне мусяць выступіць народны артыст Расіі Алег Газманаў і расійскі гурт «Корні».
Газманаў будзе спяваць на Савецкай плошчы з 21:00 да 21:55.
З 21:55 да 22 гадзін запланавана акцыя «Праспяваем Дзень Перамогі разам». У афішы гэтая падзея называецца як «агульнанародная акцыя з удзелам Алега Газманава». А 22-й гадзіне гараджан чакае святочны салют.
Затым на сцэне будзе выступаць гурт «Корні».
Гараджане «плачуць»
У сацсетках праграму ўжо ацанілі.
У тэлеграм-канале S13 налічваецца 16 616 падпісчыкаў. Пад допісам з праграмай святкавання 9 Мая самай папулярнай рэакцыяй стаў «дызлайк» — 135. Колькасць «лайкаў» усяго 20.
У аўтамабільнага партала «АўтаГродна» 18 900 падпісчыкаў у тэлеграме. Самая папулярная рэакцыя пад допісам — «гаўняшка», так адрэагавалі на праграму з удзелам Алега Газманава амаль 150 карыстальнікаў. Лайкам допіс ацанілі 23 карыстальнікі. Трэцяе месца па папулярнасці набрала рэакцыя ў выглядзе смайла, які ванітуе, — 12.
У тэлеграм-канале Hrodna.life крыху больш за 1000 падпісантаў, 49 з іх адрэагавалі на навіну ванітуючым смайлікам. Для параўнання: падабайкі ўсяго дзве.
У дзяржаўнага рэгіянальнага тэлеканала «Гродна Плюс» 1375 падпісчыкаў у тэлеграме.
Самай папулярнай рэакцыяй пад допісам з афішай святочных мерапрыемстваў стаў смайлік, які плача. Такіх рэакцый — 10. Шэсць карыстальнікаў адрэагавалі на допіс агенчыкам, а два — плясканнем у далоні.
Адзначым, што сумны смайлік, які плача, — гэта адзіная даступная рэакцыя з негатыўнай канатацыяй, якую прапануюць на выбар у гэтым канале.
Ніякіх іншых рэакцый на допіс, накшталт дызлайка, ванітуючага смайліка ці «гаўняшкі», у тэлеграм-канале «Гродна Плюс» абраць нельга.
«Наша Нiва» — бастыён беларушчыны
ПАДТРЫМАЦЬЧытайце таксама:
Прапануюць зрабіць «расійскі» квартал? Гродзенцаў запрашаюць да абмеркавання назваў вуліц
Алег Газманаў у цішотцы з сімвалам «V» спяваў для беларускіх міліцыянераў на турзлёце
Газманаў: «Славянскі базар» — адзін з найлепшых фестываляў у свеце, супраць яго — замежныя боты
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца3
Каментары
- Не, бабуль, толькі Корні і *** *****аў.