Грамадства33

Колькі палітвязняў памерла ці звяло рахункі з жыццём праз невыносныя ўмовы за кратамі

Смерць палітвязня Мікалая Клімовіча, на жаль, не першая. За апошнія тры гады вядома пра некалькі выпадкаў, калі палітвязні праз умовы ў засценках паміралі ці заканчвалі жыццё самагубствам.

Вітольд Ашурак у ШІЗА ПК №17. Фота: АРБ

21 мая 2021 года ў шклоўскай калоніі №17 памёр палітзняволены актывіст з Бярозаўкі Вітольд Ашурак. Дэталі абставін яго смерці невядомыя дагэтуль.

Паводле афіцыйнай версіі, ён нібыта памёр ад спынення сэрца, але родныя палітвязня і раследавальнікі сумняваюцца ў гэтым. Па словах сваякоў, праблем са здароўем у 50-гадовага Вітольда, якога асудзілі на пяць гадоў за пратэсты, да калоніі не было.

На відэа з калоніі (імаверна, з камеры ШІЗА), якое пазней апублікавалі сілавікі, мужчына выглядаў знясіленым і ледзь трымаўся на нагах. Само відэа мела прыкметы мантажу.

Калі родным паказалі цела палітвязня, то галава была практычна цалкам забінтаваная.

Палітвязень Дзмітрый Дудойць, які адбываў пакаранне на хіміі, скончыў жыццё самагубствам. 5 студзеня 2022 года 43-гадовы мужчына скокнуў з моста, калі вяртаўся з паліклінікі без суправаджэння. 

Ён адбываў пакаранне ў ПУАТ №43 у Магілёве. Дудойця асудзілі да двух гадоў абмежавання волі за абразу прадстаўніка ўлады.

«Ён быў такі ранімы, далікатны. Казаў, што не вытрымае там», — расказвалі блізкія пра Дзмітрыя.

У кастрычніку 2021 года пасля выхаду з Акрэсціна памерла мінчанка Алена Амеліна. У ізалятары яна захварэла на карону і пасля вызвалення трапіла на ШВЛ. Жанчыне было 57 гадоў.

У разгар пандэміі многія на Акрэсціна перахварэлі на кавід праз умовы, створаныя там.

«Алене за адзін дзень стала вельмі блага, яна амаль трупам ляжала пад нарамі, мы прымушалі яе хоць нешта з'есці. Лячылася ўсё гэта парацэтамолам і, калі зусім чалавеку дрэнна, антыбіётыкам», — згадвалі пра Амеліну.

Асобна стаіць выпадак у Навасадах. 26 сакавіка гэтага года з акна калоніі ў Навасадах пад Барысавам выкінуўся палітзняволены Уладзімір Іпатаў. Але мужчына выжыў. Пасля яго даставілі ў шпіталь у Барысаве. Прычыны яго ўчынку невядомыя. Калонія ў Навасадах лічыцца адной з самых жорсткіх.

Чытайце таксама: 

Былы вязень шклоўскай калоніі расказаў, хто можа быць датычны да гібелі Вітольда Ашурка 

Пакаралі за лайк пад карыкатурай Лукашэнкі. Што вядома пра палітвязня Мікалая Клімовіча, які памёр у калоніі

Каментары3

  • Верас
    08.05.2023
    Усе супрацоўнікі гэтых турмаў і калёній будуць там жа сядзець. У тых жа камерах, ва ў тых жа ўмовах. Звяр'ё.
  • Кветачкі-шкарпэтачкі
    08.05.2023
    Верас, а хто іх туды пасадзіць? Мо вы, а кветачкі вы ўжо падрыхтавалі?)))
  • Прокл
    08.05.2023
    Тихоновский вон сидит основательно и никаких жалоб на содержание. Кормят, поят, баня, кино, работа, прогулки - короче все дела. А этот деликатный. Деликатным всегда в жизни невезуха.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць