Ператварыце фасолю з класічнага гарніру ў асноўную страву, дадаўшы нятлусты ялавічны фарш.
Фасоля з ялавічным фаршам. Фота: eatingwell.com
Вам спатрэбіцца:
- 1 сталовая лыжка аліўкавага алею,
- 1 сярэдняя цыбуліна, нарэзаная,
- 450 г нятлустага ялавічнага фаршу (можна ўзяць таксама фарш з індычкі ці свіны),
- 2 банкі белай кансерваванай фасолі, несалёнай, прамытай (можна ўзяць і сухую фасолю, але тады яе трэба напярэдадні замачыць на дзве гадзіны, а лепш — на ноч, і зварыць),
- 1 шклянка вады,
- ¾ шклянкі кетчупу,
- ¼ шклянкі патакі (яе можна замяніць мёдам ці кляновым сіропам),
- 1 чайная лыжка дыжонскай гарчыцы,
- ½ чайнай лыжкі часночнага парашку,
- ¼ чайнай лыжкі солі,
- нарэзаная свежая зялёная цыбуля для ўпрыгожвання.
Як гатаваць:
- Нагрэйце алей у вялікай каструлі на сярэднім агні.
- Дадайце цыбулю і ялавічны фарш. Гатуйце, памешваючы і раздрабляючы ялавічыну драўлянай лыжкай, пакуль цыбуля не стане мяккай, а ялавічына не перастане быць ружовай — каля 5 хвілін.
- Пратушыце ялавічыну, асабліва калі яна не вельмі маладая.
- Дадайце фасолю, ваду, кетчуп, патаку (мёд), гарчыцу, часночны парашок і соль; давядзіце да кіпення.
- Паменшыце агонь да сярэдняга і гатуйце, памешваючы, пакуль сумесь не пачне бурліць і злёгку не загусцее — ад 5 да 8 хвілін.
- Па жаданні ўпрыгожце зялёнай цыбуляй.
Вам таксама можа быць цікава:
Чым харчуюцца беларусы і колькі гэта каштуе
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
фота нечым нагадала падачу таго легендарнага гарохавага супчыку - m.nashaniva.com/217105/ які выбухнуў аж паўсотняй каментароў)
но по ходу что нет
сваё - кушай-кушай
а что, если я не хочу?
ви будете меня насильно кормить?