Гомельскім абласным судом у закрытым судовым пасяджэнні 10 мая вынесены прысуд па крымінальнай справе ў дачыненні да Віктара Яроменкі, абвінавачанага ў распальванні іншай сацыяльнай варожасці альбо варажнечы паводле ч. 1 арт. 130 Крымінальнага кодэкса і іншых злачынствах, піша «Вясна».
Судовы працэс, які пачаўся яшчэ 21 красавіка, вёў суддзя Руслан Царук.
Акалічнасці справы, апроч прысуду, пакуль праваабаронцам невядомыя.
Абвінавачаны Яроменак прызнаны вінаватым у наўмысных дзеяннях, накіраваных на ўзбуджэнне нацыянальнай і іншай сацыяльнай варожасці па прыкмеце нацыянальнай і іншай сацыяльнай прыналежнасці, і яму прызначана пакаранне ў выглядзе пазбаўлення волі тэрмінам чатыры гады.
Ён жа прызнаны вінаватым у стварэнні яўнай небяспекі для іншай асобы праз заражэнне вірусам імунадэфіцыту чалавека (ВІЧ), і на падставе ч. 1 арт. 157 Крымінальнага кодэкса яму прызначана пакаранне ў выглядзе пазбаўлення волі тэрмінам адзін год і шэсць месяцаў.
Шляхам частковага складання вынесеных прысудаў Яроменку канчаткова прызначана пакаранне ў выглядзе пазбаўлення волі на тэрмін пяць гадоў з адбываннем у папраўчай калоніі ва ўмовах строгага рэжыму.
Мабільны тэлефон канфіскаваны ў даход дзяржавы.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі6
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары