«ПСЖ» разглядае форварда «Марселя» Алексіса Санчаса як патэнцыйную змену Ліянэлю Месі, які ўлетку можа пакінуць клуб.
Прадстаўнікі «ПСЖ» ужо звязаліся з агентам Санчаса, каб прапанаваць умовы супрацоўніцтва. Кантракт чылійца з «Марселем» заканчваецца па завяршэнні гэтага сезона, роўна як і двухгадовая дамова Месі з «ПСЖ», піша Tribuna.com
Зрэшты, «Марсель» імкнецца працягнуць кантракт з 34-гадовым Санчасам, які з 18 галамі ва ўсіх турнірах з'яўляецца найлепшым бамбардзірам каманды ў гэтым сезоне.
Ключавым фактарам пры прыняцці рашэння адносна сваёй будучыні для Алексіса можа стаць удзел у Лізе чэмпіёнаў. Па выніках 35 тураў «Марсель» займае трэцяе месца ў Лізе 1, якое гарантуе ўдзел у трэцім кваліфікацыйным раўндзе.
Летам Ліянэль Месі, які прывёў Аргенціну да залатых медалёў чэмпіянату свету, хутчэй за ўсё, пакіне ПСЖ. Ён можа перабрацца ў Саудаўскую Аравію, вярнуцца ў «Барселону», або адправіцца ў «Інтэр» Маямі, якім кіруе Дэвід Бэкхэм.
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10
Каментары