«PSŽ» razhladaje forvarda «Marsiela» Aleksisa Sančasa jak patencyjnuju źmienu Lijanelu Miesi, jaki ŭletku moža pakinuć kłub.
Pradstaŭniki «PSŽ» užo źviazalisia z ahientam Sančasa, kab prapanavać umovy supracoŭnictva. Kantrakt čylijca z «Marsielem» zakančvajecca pa zaviaršeńni hetaha siezona, roŭna jak i dvuchhadovaja damova Miesi z «PSŽ», piša Tribuna.com
Zrešty, «Marsiel» imkniecca praciahnuć kantrakt z 34-hadovym Sančasam, jaki z 18 hałami va ŭsich turnirach źjaŭlajecca najlepšym bambardziram kamandy ŭ hetym siezonie.
Klučavym faktaram pry pryniaćci rašeńnia adnosna svajoj budučyni dla Aleksisa moža stać udzieł u Lizie čempijonaŭ. Pa vynikach 35 turaŭ «Marsiel» zajmaje treciaje miesca ŭ Lizie 1, jakoje harantuje ŭdzieł u trecim kvalifikacyjnym raŭndzie.
Letam Lijanel Miesi, jaki pryvioŭ Arhiencinu da załatych miedaloŭ čempijanatu śvietu, chutčej za ŭsio, pakinie PSŽ. Jon moža pierabracca ŭ Saudaŭskuju Araviju, viarnucca ŭ «Barsiełonu», abo adpravicca ŭ «Inter» Majami, jakim kiruje Devid Bekchem.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary