У гарадскіх чатах распаўсюджваецца відэа з выявай супрацьтанкавых умацаванняў пад Гомелем, паведаміла мясцовае выданне «Флагшток», іранічна назваўшы гэты комплекс «Лініяй Хрэніна».
Скрыншот відэа
«Лінія Хрэніна» ўяўляе сабой ланцуг бетонных пірамід паабапал чарнігаўскай шашы (траса Е95 каля вёскі Калініна), адзначае «Флагшток».
Упершыню пра стварэнне гэтай лініі ўмацаванняў 18 мая паведаміў маніторынгавы рэсурс «Беларускі Гаюн».
Пры гэтым «Флагшток» звяртае ўвагу, што пасля з'яўлення паведамленняў пра наяўнасць у ваколіцах Гомеля «зубоў дракона» мясцовыя прапагандысты кінуліся адмаўляць гэты факт.
Каментары