Грамадства1515

Хто тая вядоўца БТ, што бярэ інтэрв'ю ў палітвязняў і просіць іх выбачацца ў эфіры 

Нядаўна яна выпусціла два такіх інтэрв'ю — з былым актывістам «Еўрапейскай Беларусі» і «Моладзі БНФ» Арсенем Дзядком, які сядзіць на «хіміі», і Раманам Пратасевічам пасля ягонага памілавання. Расказваем, што гэта за жанчына і хто яе не просты муж.

Алеся Высоцкая вядзе інтэрв'ю з Раманам Пратасевічам. Скрыншот з канала БТ

Гэтай радыкальна афарбаванай бландзінцы 45 гадоў. Родам Алеся Высоцкая з Докшыцаў. 

Пасля школы пераехала ў Мінск і паступіла на журфак БДУ. Пачынала невялікімі падпрацоўкамі ў газетах і на радыё, але адразу пасля ўніверсітэта ў 2000-м — гэта быў год пасля знікнення Юрыя Захаранкі і Віктара Ганчара — пайшла вядоўцай на дзяржаўнае тэлебачанне.

Падчас вучобы ва ўніверсітэце яна выйшла замуж за Аляксандра Высоцкага (ніжэй мы раскажам, хто ён такі) і ўзяла ягонае прозвішча. 

Алеся Высоцкая на фоне ўласных рэгалій. Фота: яе сацсеткі

Узнагарод Высоцкая за 23 гады працы сабрала дастаткова. Да прыкладу, у 2014-м яе адзначылі на конкурсе «Тэлевяршыня». Яна рабіла фільм «Сацыяльныя клеці», які паказвалі на фестывалі «Еўразія.Док» у 2018-м. Таксама жанчына вяла рэпартаж з праўладнага жаночага канцэрта ў 2020-м. А ў конкурсе да Года народнага адзінства ў 2021-м атрымала прыз у намінацыі «Песні нашага краю».

Яна, сярод іншага, старшыня Саюза жанчын у Белтэлерадыёкампаніі, псеўдаграмадскай арганізацыі, аналага БРСМ для моладзі, толькі па палавой прыкмеце.

Цяпер Высоцкая робіць інтэрв'ю з палітвязнямі, якіх прымусілі выбачацца і каяцца. У інтэрв'ю паказаныя «шчаслівы» памілаваны Пратасевіч і «задаволены» Арсень Дзядок, якому за патрабаванне свабодных выбараў і сумленнага падліку галасоў прысудзілі тры гады «хіміі».

У Арсеня яна з'едліва пытаецца, «ці іншы смак чаю ў месцы несвабоды» і «ці могуць быць патрыётамі тыя, хто з'ехаў з Беларусі».

Запіс такіх відэа ў месцах пазбаўлення ці абмежавання волі курыруюць спецслужбы, пагражаючы спагнаннямі і ўзмацненнем пакарання або, наадварот, спакушаючы паляпшэннем умоў.

З Пратасевічам інтэрв'ю адбылося на наступны дзень пасля ягонага памілавання Лукашэнкам. Высоцкая ў кадры вядзе іншую гульню. Яна выслухоўвае суразмоўца нібы са спагадай, але мякка падводзіць да патрэбных высноў.

Алеся Высоцкая вядзе інтэрв'ю з Раманам Пратасевічам. Скрыншот з канала БТ

«Вы згодны з прэзідэнтам, што гэта час магчымасцяў?» — пытаецца яна ў Пратасевіча пра цяперашнюю сітуацыю ў Беларусі.

Чытайце таксама: Каго і чаму здаў Раман Пратасевіч. Гэта гісторыя пра тое, як адно фота можа змяніць усё жыццё. Многа жыццяў

У канцы гэтага сюжэта на фоне кадраў з горада гучыць спакойная музыка, нібы падкрэсліваючы, як «спакойна» жыць пры лукашэнкаўскай уладзе.

Аляксандр Высоцкі. Фота: газета «Саветская Беларуссія»

Муж у Высоцкай не просты. Ëн палкоўнік міліцыі. Мае медалі «За бездакорную службу» III і II ступеняў, а таксама ордэн «За службу Радзіме» III ступені.

Апошнюю яму ўрачыста ўручыў сам Аляксандр Лукашэнка. Тады палкоўнік Высоцкі быў начальнікам аддзела Галоўнага ўпраўлення па наркакантролі і супрацьдзеянні гандлю людзьмі МУС.

Пад яго кіраўніцтвам была канфіскаваная найбольшая ў гісторыі Беларусі партыя гераіну ў 550 кілаграмаў, якая мусіла пайсці з Афганістана ў Беларусь. «Гэтая аперацыя выратавала дзясяткі тысяч жыццяў не толькі ў Беларусі, але і ў краінах Еўропы і Азіі», — сказаў тады Аляксандр Лукашэнка.

Пасля гэтага Высоцкага чакала павышэнне. Ëн стаў намеснікам начальніка Галоўнага ўпраўлення па наркакантролі і супрацьдзеянні гандлю людзьмі МУС.

Масавыя палітычныя рэпрэсіі ў Беларусі працягваюцца з 2020 года, калі выбары суправаджаліся нерэгістрацыяй і арыштамі праціўнікаў Лукашэнкі і назіральнікаў на выбарчых участках. Нягледзячы на гэта, Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграваў Святлане Ціханоўскай, але не аддаў улады. 

З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.

За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя базавыя нормы законнасці і маралі. Сістэмны характар набылі катаванні палітзняволеных.

Ні пра што гэта ў сваіх праграмах Алеся Высоцкая не гаворыць. Яна абмяжоўваецца размовамі з тымі нешматлікімі палітвязнямі, каго сістэме ўдалося зламаць.

«Наша Нiва» — бастыён беларушчыны

ПАДТРЫМАЦЬ

Каментары15

  • Мая рэакцыя
    01.06.2023
    🤮
  • Іsta
    01.06.2023
    Мечык,
    Ня той Дзядок каб шкадаваць.
  • іж планета
    01.06.2023
    Мечык, Гэта не той Дзядок.

Затрымалі кіраўніцтва Kvitki.by11

Затрымалі кіраўніцтва Kvitki.by

Усе навіны →
Усе навіны

Пасол ЕС напісала, што яна думае пра Расію пасля ўдару па Кіеве, які зачапіў місію Еўрасаюза15

У Мінску зноў заўважылі вялікую чаргу2

Следчыя ў Германіі вызначылі асобы ўсіх падазраваных у падрыве «Паўночных патокаў»15

Паміж Карлсанам і «Чорным люстэркам»: выходзіць новы беларускі дэтэктыў для дзяцей2

Як Лукашэнка дапамагае Расіі гандляваць алмазамі ў абыход санкцый — новае расследаванне «Белпол»3

Колькасць загінулых у Кіеве вырасла да 12, сярод іх трое дзяцей4

Расіянін забіў знаёмага, паехаў на вайну і завёў блог. Ён кажа, што лепш вайна, чым эміграцыя3

«Яны мяне саромеюцца». Як праз 12 гадоў жыве беларуска, што нарадзіла двайнят у 54 гады47

Колькі каштуе даехаць да Вільні ці Варшавы на прыватным трансферы?

больш чытаных навін
больш лайканых навін

Затрымалі кіраўніцтва Kvitki.by11

Затрымалі кіраўніцтва Kvitki.by

Галоўнае
Усе навіны →

Заўвага:

 

 

 

 

Закрыць Паведаміць