Пра сур'ёзнае захворванне Гінтса Фрэйманіса стала вядома зімой, калі да грамадскасці звярнуліся па дапамогу ў лячэнні.
Пасля бою з цяжкай хваробай ва ўзросце 38 гадоў памёр былы гулец зборнай Латвіі па футболе Гінтс Фрэйманіс, піша Delfi.lv.
«У кастрычніку 2021 года мне паставілі дыягназ рак скуры — меланома 4-й стадыі, у выніку чаго правялі аперацыю ў пахвіннай вобласці, бо былі метастазы. Метастазы пачаліся і ў лёгкіх, печані і нырцы. Ва ўнутраных органах удалося спыніць і паменшыць развіццё меланомы. На жаль, падчас чарговых аналізаў 17 студзеня гэтага года выявілі метастазы ў галаве. Неабходная ваша дапамога, каб працягнуць лячэнне. Хай Бог будзе міласэрны», — напісаў у лютым 2023 года былы футбаліст зборнай Латвіі, якому жыхары краіны аператыўна ахвяравалі неабходныя для лячэння сродкі.
Фрэйманіс дэбютаваў у складзе зборнай Латвіі ў 2014 годзе ў матчы Кубка Балтыі супраць Літвы, выйшаўшы на замену. За зборную ён згуляў 13 матчаў, забіўшы адзін гол.
«Гінтс Фрэйманіс назаўжды застанецца ў памяці заўзятараў як непахісны баец на полі, які не даваў праходу ніводнаму суперніку і дзеля сваёй каманды быў гатовы на ўсё. Сапраўдны чалавек справы з высокімі жыццёвымі прынцыпамі і прамяністай дабрынёй», — гаворыцца ў жалобнай заяве Латвійскай федэрацыі футбола.
На клубным узроўні Фрэйманіс чатыры разы выйграваў Кубак Латвіі ў складзе «Елгавы». На яго рахунку больш за 200 гульняў у вышэйшай лізе. У 2016 годзе ён быў прызнаны найлепшым абаронцам чэмпіянату. Фрэйманіс таксама гуляў у Ірландыі і Германіі, але апошнія матчы ён правёў у латвійсвкім клубе Leevon. Пасля завяршэння кар'еры футбаліста Фрэйманіс стаў трэнерам «Добэлэ».
Miris viens no visgaišākajiem cilvēkiem, ko pazinu ... Jelgavas un Latvijas futbola dvēsele ... Lai vieglas smiltis un lai Taisaulē daudz labu futbola spēļu. Ginta piederīgajiem un draugiem vislielākā līdzjutība ... pic.twitter.com/nFsNI5uVvs
-
17 краін выказаліся супраць вяртання хакейнай зборнай Расіі на міжнародную арэну. Толькі Беларусь выступіла за
-
Гулец моладзевай зборнай Беларусі па хакеі прадэманстраваў свае лінгвістычныя здольнасці. Ён ведае пяць моў ВІДЭА
-
Улады Германіі заявілі пра «фактычную немагчымасць» правядзення ў сябе чэмпіянату свету па хакеі, калі ў ім будзе ўдзельнічаць Расія
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары