У Вільні сёння праходзіць першы Pink Soup Fest («Ружовы супавы фестываль»). Ён прысвечаны халадніку — страве, аднолькава папулярнай як у беларусаў, так і ў літоўцаў. Па-літоўску ён называцца šaltibarščiai (халодны боршч).
Святочныя гулянні арганізаваныя маштабна. Каля 100 партнёраў фестывалю прапануюць эксклюзіўныя мерапрыемствы і забавы, тым ці іншым чынам звязаныя з папулярнай стравай.
На мерапрыемстве можна сустрэць самыя розныя варыяцыі халадніку і іншых страў, у якіх пераплятаюцца ружовы колер, смак халадніку і летні настрой.
Тэматыка халадніку ўключае ў сябе не толькі супы. Наведвальнікаў фестывалю чакаюць розныя дэсерты, звязаныя з традыцыйным літоўскім супам.
На галоўнай пляцоўцы мерапрыемства сотні гараджан, апранутыя ў ружовае, спускаюцца з горкі па пене ў вялікую штучную чашу.
А разнастайныя дэсерты, напоі і забавы, натхнёныя халадніком, чакаюць гасцей у больш чым 30 кавярнях і рэстаранах горада.
Чакаецца, што ў будучыні гэта мерапрыемства стане штогадовай традыцыяй, уцягваючы ў віхор забаў увесь горад.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі31
Каментары
знакомые все лица
Laba diena
дорогие комментаторы под этой темой - nashaniva.com/318546