Тры сняданкі з аўсянкі: яблычна-арэхавы, ванільна-мускатны і кунжутна-соевы
Чаму б не патраціць 15 хвілін і не пачаць дзень з карыснага сняданку?
Яблычна-арэхавая аўсянка
- 1 яблык, ачышчаны ад скуркі і сярэдзінкі, дробна нарэзаны
- 2 ⅓ шклянкі яблычнага соку
- 1 ⅓ шклянкі аўсяных шматкоў хуткага прыгатавання
- 1 лыжка молатай карыцы
- ½ чайнай лыжкі солі
- 2 лыжкі здробненых грэцкіх арэхаў
- 2 лыжкі мёду
- 1 лыжка ванільнага экстракту
У каструлі змяшайце яблык, яблычны сок, аўсяныя шматкі, карыцу і соль.
Давядзіце да кіпення на сярэднім агні і кіпяціце 1 хвіліну, перыядычна памешваючы. Зніміце з агню, умяшайце ў сумесь грэцкія арэхі, мёд і ваніль.
Накрыйце і дайце пастаяць 5 хвілін.
Кунжутна-соевая вострая аўсянка
- 1 шклянка вады
- ½ шклянкі аўсяных шматкоў
- 1 вялікае яйка
- 1—2 чайныя лыжкі соевага соусу
- ½ чайнай лыжкі кунжутнага алею
- 1 чайная лыжка цукру (па жаданні)
- 1 чайная лыжка падпражаных зярнятак кунжуту або больш — для ўпрыгожвання
- здробненыя водарасці норы для ўпрыгожвання
- нарэзаная зялёная цыбуля для падачы (па жаданні)
- алей чылі для падачы (па жаданні)
У невялікай каструлі давядзіце ваду да кіпення. Дадайце аўсяныя шматкі і паменшыце агонь. Варыце, пакуль аўсянка не будзе гатовая.
Зніміце з агню і хутка ўбіце яйка, каб яно магло распусціцца. Дадайце соевы соус, кунжутны алей і цукар, калі выкарыстоўваеце, і пры неабходнасці адрэгулюйце па смаку.
Пасыпце зярняткамі кунжуту і цёртымі норы і падавайце страву гарачай. Пасыпце зверху нарэзанай зялёнай цыбуляй і / або апырскайце алеем чылі, калі хочаце ўзмацніць пікантны эфект.
Ванільна-мускатная аўсянка
- 1 ¼ шклянкі малака плюс яшчэ трохі для падачы
- 3 сталовыя лыжкі пшанічнай мукі
- дробка солі
- ¼ чайнай лыжкі ванілі
- крыху свежага або молатага мускатнага арэху
- 1 фінік, нарэзаны
- 1 сталовая лыжка фундуку або арэхаў на ваш густ, падпражаных
У маленькай ці сярэдняй каструлі давядзіце малако да кіпення. Дадавайце пшанічную муку па 1 сталовай лыжцы разам з соллю, памешваючы, каб прадухіліць выкіпанне.
Зноў давядзіце сумесь да кіпення і паменшыце агонь да мінімуму.
Варыце на слабым агні, пакуль малако не загусцее і не змяшаецца з кашай, пару хвілін.
Зніміце з агню і дадайце ваніль і мускатны арэх.
Упрыгожце фінікамі і арэхамі. Падавайце адразу ж, па жаданні наліўшы зверху яшчэ трохі малака.
Больш рэцэптаў:
Аўсянка можа быць асабліва карыснай вось з якімі дадаткамі
Рэцэпт на выхадныя. Запечаныя яйкі з вяндлінай — хуткі і прыгожы сняданак
Сняданак, дзеля якога хочацца прачнуцца: бліны з сырам і зелянінай
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі19
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
А не шашлык.
харёшая была во всех смыслах
комбинация
я почти оценило )