Сотні нямецкіх пратэстантаў наведалі царкоўную службу, якая была амаль цалкам згенераваная штучным інтэлектам. Чат-бот ChatGPT правёў у зямлі Баварыя 40-хвіліннае набажэнства, на якім былі малітвы, спевы, пропаведзі і дабраславенні для больш чым 300 вернікаў.
Штучны інтэлект быў «увасоблены» аватарам цемнаскурага пастара на велізарным экране над алтаром, паведамляе The Associated Press.
«Дарагія сябры, для мяне вялікі гонар стаяць тут і прапаведаваць вам як першы штучны інтэлект на з'ездзе пратэстантаў сёлета ў Германіі», — сказаў аватар манатонным голасам.
Аўтарамі ідэі такой службы сталі кампанія ChatGPT і Ёнас Зімерляйн — багаслоў і філосаф з Венскага ўніверсітэта.
«Я задумаў гэтую службу, але насамрэч я, хутчэй, акампанаваў у ёй, бо каля 98% ідзе ад машыны. У выніку атрымалася досыць салідная царкоўная служба», — распавёў 29-гадовы Зімерляйн у каментары The Associated Press.
У людзей, якія прыйшлі на службу, была розная рэакцыя. Хтосьці падпяваў і здымаў падзею на тэлефон, а некаторыя адмаўляліся прамаўляць рэлігійныя словы разам з аватарам.
54-гадовая Гайдэрозэ Шміт сказала журналістам, што спачатку была ўсхваляваная і зацікаўленая, але потым набажэнства ўсё больш «адштурхоўвала яе».
«У ім не было ні сэрца, ні душы. Аватары не паказвалі ніякіх эмоцый, не мелі мовы цела і гаварылі так хутка і манатонна, што мне было вельмі цяжка засяродзіцца на тым, што яны казалі. Але, магчыма, для маладога пакалення, якое вырасла з усім гэтым, усё інакш», — пракаментавала Шміт.
Незвычайная служба стала адным з сотняў мерапрыемстваў на з'ездзе пратэстантаў Deutscher Evangelischer Kirchenta (Асамблеі нямецкай Евангелічнай царквы) у двух баварскіх гарадах. Набажэнства выклікала такую вялікую цікавасць, што людзі сталі ў даўжэзную чаргу яшчэ за гадзіну да яго пачатку.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца3
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары