Усяго патроху22

Самы аддалены паб Брытаніі прапанаваў бясплатнае піва тым, хто туды дойдзе

Каб дабрацца да паба The Old Forge, трэба прайсці пешшу больш за 24 кіламетры.

Фота: tripadvisor.co.uk

Установа The Old Forge, якую называюць самым аддаленым пабам Вялікабрытаніі, гэтым летам запусціць матывацыйную акцыю для аматараў пешых паходаў.

Як піша The Independent, з 1 ліпеня турыстаў, якія дабяруцца да ўстановы, размешчанай на паўночным беразе возера Лох-Нэвіс у Шатландыі, будуць частаваць бясплатным півам па прыбыцці. Для гэтага ім трэба будзе прайсці 15 міль (24,1 км) па шатландскім нагор'і.

Каб атрымаць запаветны пенны напой, адважным падарожнікам трэба будзе вымавіць слова Wiggle — акцыю арганізаваў аднайменны спартыўны рытэйлер сумесна з мясцовым міні-броварам Knoydart Brewery у рамках рэкламнай кампаніі іх новага піва Trale. Гэты 5,1-працэнтны залаты эль з цытрусавымі ноткамі будзе даступны толькі ў пабе The Old Forge, які гэтым летам зноў адчыняе свае дзверы для гасцей пасля маштабнага рамонту.

У адны рукі можна будзе атрымаць толькі дзве пляшкі гэтага піва. Акцыя будзе дзейнічаць, пакуль не скончацца яго запасы.

Каментары2

  • квасная "у васі"
    15.06.2023
    ай не.
    лепш, уладальнікі паба, вы да нас
  • Жвір
    15.06.2023
    О, а я быў у бухце Нэвіс, вельмі маляўнічай, з невялікім прычалам для плаўсродкаў тамтэйшых рыбакоў, што прамышляюць устаноўкай донных, заякараных снастак. Дык вось, дакладна насупраць таго прычала месьціцца паб, афігенна падобны да гэтага, што на фотцы. Пешшу да яго йсьці не абавязкова, можна й пад'ехаць на чым заўгодна. Штовечар там зьбіраліся мясцовыя людзі, гэта ўжо рабіўся нават і не паб, а месца абмену думкамі, спрэчак, дыскусій, праглядаў розных спартовых падзеяў і т.д. Людзі вельмі ветлівыя, і піва добрае, запомніў назаўжды. Быў яшчэ зьдзіўлены, што ў абіходзе там шатляндскі фунт. Вартасьць была тая самая, але дызайн іншы.

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

Не думайце, што гэта капейкі!3

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

«З залатой бульбы». Беларуска знайшла дранікі за 32 рублі1

Арына Сабаленка не прайшла ў фінал Уімблдона4

У Літве расказалі, чаму не збівалі дрон, які заляцеў да іх з Беларусі4

Сенсацыйнае адкрыццё: звычайны сіроп ад кашлю абараняе ад дэменцыі

З-за непагадзі Мінск перажывае вялікія транспартныя складанасці

Марка Рубіа выказаў расчараванне пасля сустрэчы з Лаўровым1

Кавалеўскі патлумачыў, за які дыялог паміж грамадствам і ўладамі ён выступае13

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць