Швед адказаў на пытанне, што будзе, калі суд прызнае вінаватым памерлага
Беларускія суды цяпер змогуць судзіць і мёртвых, калі справа тычыцца генацыду, ваенных злачынстваў і яшчэ шэрага артыкулаў. Гэта прадугледжваецца праектам закона «Аб змене Крымінальна-працэсуальнага кодэкса». Але што будзе, калі памерлага прызнаюць вінаватым?
Генеральны пракурор Андрэй Швед сёння выступіў у Палаце прадстаўнікоў Нацыянальнага сходу на разглядзе гэтага законапраекта.
Звяртаючыся да парламентарыяў, Андрэй Швед сказаў, што «злачынствы супраць міру, бяспекі чалавецтва і ваенныя злачынствы, у тым ліку генацыд, не маюць тэрмінаў даўнасці. У мэтах забеспячэння прынцыпу непазбежнасці адказнасці, зыходзячы з дзяржаўных і грамадскіх інтарэсаў, Генеральнай пракуратурай распрацаваны законапраект, які прадугледжвае магчымасць вядзення па крымінальных справах гэтай катэгорыі ў дачыненні да памерлых асоб незалежна ад згоды іх блізкіх сваякоў».
Ён расказаў, што следчы па справе павінен будзе прыняць меры, каб знайсці блізкіх сваякоў памерлага абвінавачанага і паведаміць ім аб праве прадстаўляць інтарэсы памерлага.
Немагчымасць знайсці сваякоў не перашкодзіць расследаванню.
У выпадку даказанасці вінаватасці памерлага суд выносіць абвінаваўчы прыгавор без назначэння пакарання (артыкул 356 КПК).
Цяпер чытаюць
На памятнай банкноце да гадавіны Перамогі змясцілі неіснуючую беларускую славутасць6
Каментары
при Коль но )