У футбольным БАТЭ маецца запазычанасць перад футбалістамі, і яна датычыць заробкаў: гульцы не бачылі грошай па кантракце ўжо пару месяцаў.
Некаторыя футбалісты з гэтай нагоды звярталіся непасрэдна да кіраўніка клуба Андрэя Капскага, каб высветліць, як і калі сітуацыя вырашыцца. Кіраўнік ад канкрэтных абяцанняў устрымаўся, піша «Трыбуна».
Ну, а пасля паразы ад «Слуцка» (0:1) 4 чэрвеня калектыву было абвешчана пра значнае зніжэнне заробкаў — у разы.
Па звестках крыніц «Трыбуны», дайшло да таго, што тыя футбалісты, якія атрымлівалі восем тысяч рублёў, будуць гуляць за паўтары-дзве тысячы.
Зроблена гэта і ў якасці пакарання, і ў мэтах эканоміі. Ці часовая гэтая мера, высветліць не ўдалося.
Цяпер у чэмпіянаце краіны БАТЭ ідзе на 5-м месцы, адстаючы на 12 ачкоў ад першага месца і на 9 — ад трэцяга.
Бліжэйшым часам будуць вызвалены больш за 150 палітзняволеных39
Каментары