Ультраправая нямецкая партыя «АдГ» упершыню выйграла рэгіянальныя выбары
Прадстаўнік правапапулісцкай партыі «Альтэрнатыва для Германіі» (АдГ) упершыню абраны ландратам (кіраўніком акругі).
50-гадовы юрыст Роберт Зесельман у нядзелю выйграў выбары ў акрузе Зонеберг у федэральнай зямлі Цюрынгія, на мяжы з Баварыяй, піша Deutsche Welle.
Sonnebergs neuer Landrat - So AfD ist der AfD-Wahlsieger Robert Sesselmann https://t.co/9Lmr0kentS
Зесельман атрымаў на выбарах ландрата ў другім туры 52,8 працэнта галасоў выбаршчыкаў, а = кіраўнік акругі, прадстаўнік Хрысціянска-дэмакратычнага саюза Юрген Кепер набраў 47,2 працэнта. Сацыял-дэмакратычная партыя (СДПГ), Левая партыя, Свабодная дэмакратычная партыя і «Саюз-90»/»Зялёныя» ў другім туры падтрымалі кандыдатуру Кепера. Яўка на выбарах склала 59,6 працэнта.
Зонеберг з прыкладна 57 тысячамі жыхароў, з якіх каля 48 тысяч маюць права голасу — адна з самых маленькіх акругаў ФРГ.
«Сігналам трывогі» для ўсіх дэмакратычных сіл назваў абранне Зесельмана міністр унутраных спраў Цюрынгіі Георг Маер, член СДПГ. Паводле яго слоў, прыйшоў час «адкласці міжпартыйныя рознагалоссі і абараняць дэмакратыю разам».
Роберт Зесельман — ураджэнец Зонеберга, ён з'яўляецца дэпутатам зямельнага парламента Цюрынгіі ад АдГ. У 2019 годзе «Альтэрнатыва для Германіі» заняла тут другое месца на выбарах, істотна палепшыўшы свой вынік.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары