Што вядома пра «Піянера», які будзе кіраваць ПВК «Вагнер» у Беларусі
Падчас прамовы на адкрыцці лагера ПВК «Вагнер» пад Асіповічамі Яўген Прыгожын згадаў найміта Сяргея «Піянера» і сказаў, што гэтага баевіка прызначылі галоўным на беларускім кірунку. Распавядаем, што пра яго вядома.
Гэта непублічны камандзір ПВК «Вагнер», дакладныя звесткі пра асобу якога не раскрывалі раней.
Упершыню пра яго згадваюць у 2020 годзе. У снежні 2020-га былы найміт «Вагнера» Марат Габідулін даў інтэрв'ю расійскаму выданню «Медуза». Там ён казаў пра Піянера:
«А ў 2018-м і 2019-м я ўжо перастаў знаходзіць тлумачэнні, чаму людзей ставілі на чале таго ці іншага атрада. Камандзіры прызначаліся як быццам па нейкім блаце. Напрыклад, я здзівіўся, калі старшым падчас баявой аперацыі ў Гуце стаў Піянер, які да таго працаваў толькі ў штабе. У цябе ж досведу няма баявога — як ты камандуеш?
Пазней, у 2019 годзе, паступіў загад хуценька адправіць сірыйцаў з нашага атрада «Паляўнічыя на ІДІЛ» у Лівію. Калі яны туды прыбылі, паступіў званок ад Піянера: «Слухай, а вось тых, каго вы даслалі, іх можна як смяротнікаў выкарыстоўваць?» Які нармальны чалавек такое спытае! Тым больш пра маіх хлопцаў».
Праз год украінскі партал «Матрица свободы» называў яго кіраўніком «Вагнера» ў Лівіі. Сцвярджалася, што Піянер пастаянна знаходзіцца на базе Эль-Джуфра і цесна кантактуе з заснавальнікам «Вагнера» Дзмітрыем Уткіным, вядомым па мянушках Вагнер і Дзявяты.
Апошні раз Піянер даў каментар у чэрвені гэта года. Там яго называюць «камандзірам ПВК «Вагнер», удзельнікам баявых дзеянняў у Сірыі, Цэнтральнай Афрыцы, Судане, Малі і іншых краінах». Там жа сцвярджаецца, што ён кавалер пяці ордэнаў Мужнасці. Ён сам кажа:
«Аднойчы прысягнуўшы свайму народу і Айчыне, я да гэтага часу гатовы абараняць са зброяй у руках Расію як ад знешніх ворагаў, так і ўнутраных, якія сваё асабістае ставяць вышэй за каштоўнасці грамадзян краіны і дзяржавы ў цэлым».
Такім чынам, хутчэй за ўсё, ён расіянін або, прынамсі, мае грамадзянства гэтай краіны.
«Наша Нiва» — бастыён беларушчыны
ПАДТРЫМАЦЬЦяпер чытаюць
Бліжэйшым часам будуць вызвалены больш за 150 палітзняволеных36
Каментары
Як толькі паспрабавалі " пабыкаваць" супраць узброенных сіл Турцыі ці Штатау..былі знішчены .Болей " чырвоные лініі" ні ні..
Пад Бахмутам?? Таксама .
.Узброенные " піянєры" супраць мірнага насельніцтва " жахліва" АЛЕ...
За паводзіны Прыгожына паназірайце .Спачатку предупредзітельный халдзей ..зараз " забурел" але халдзеем застауся..
Памятаеце уладальніка кабака каля Курапат ))
Той жа псіхаціп..Верещал паусюль " прыкрылі" на тры дні і дзе Ауууу ні - прыгожын
Знает, что если не оплатит - пришлют черную метку!...
Тошно! Кивает на запад, где президенты сменяемые, где запускают ракеты к Марсу и Луне, где построили реактор на термояде...
Ему бы продержаться ещё и украсть очередные миллиарды у нищих граждан...