Цягам двух дзён латвійскія мытнікі і памежнікі выявілі ў грузавых цягніках, якія заехалі з Беларусі, хованкі з кантрабанднымі цыгарэтамі. Агулам удалося канфіскаваць 211 600 кантрабандных цыгарэт з беларускімі акцызнымі маркамі, піша Delfi.lv.
Фота: VID muitas pārvalde
Першы эпізод зафіксаваны 25 ліпеня на мытным пасту «Індра», дзе падчас праверкі вагонаў грузавога цягніка, які прыбыў з тэрыторыі Беларусі, службовы сабака сваімі паводзінамі паказаў кінолагу, што сярод чыгунных нарыхтовак можа знаходзіцца кантрабанда. Пры дэталёвым даглядзе вагонаў мытня і супрацоўнікі Дзяржаўнай памежнай службы выявілі 103 600 цыгарэт Queen Superslim і»НЗ Gold».
26 ліпеня на станцыі «Індра» пры надглядзе яшчэ аднаго цягніка з Беларусі ў двух вагонах пад вугалем мытнікі знайшлі схованкі з цыгарэтамі. Там выявілі 108 000 цыгарэт «НЗ Gold» і Queen з беларускімі акцызнымі маркамі.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары