Расіяне будуць абмяркоўваць з беларусамі забарону паставак кураціны. Кажуць, што іх не папярэдзілі
Рассельгаснагляд абмяркуе з Дэпартаментам ветэрынарнага і харчовага нагляду Міністэрства сельскай гаспадаркі і харчавання Беларусі забарону паставак беларускага мяса птушкі на знешнія рынкі. Пра гэта паведамляе прэс-служба Рассельгаснагляду.
«Сярод дзелавой супольнасці і ў СМІ распаўсюджваецца інфармацыя аб уведзеных Беларуссю абмежаваннях на экспарт на знешнія рынкі мяса птушкі. Расійскае ведамства запытала правядзенне перамоў з Дэпартаментам ветэрынарнага і харчовага нагляду Міністэрства сельскай гаспадаркі і харчавання Рэспублікі Беларусь», — адзначаецца ў паведамленні Рассельгаснагляду.
Афіцыйнага паведамлення аб забароне паставак і яго прычынах ад беларускага кампетэнтнага органа Рассельгаснагляд, як сцвярджаецца, не атрымліваў.
Кансультацыі маюць адбыцца ў панядзелак, 7 жніўня.
Раней газета «Коммерсант» са спасылкай на свае крыніцы паведаміла, што Беларусь з 1 жніўня абмежавала вываз з краіны мяса птушкі, тлумачачы гэта неабходнасцю насыціць попыт унутры краіны. Рэальнай прычынай можа быць успышка птушынага грыпу на некаторых птушкафабрыках.
Пры гэтым абмежаванні не распаўсюджваюцца на экспарт у Кітай і прадукцыю холдынга «Сервалюкс Агра» (брэнд «Пятруха»).
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары