«Баварыя» дамовілася пра трансфер Кейна за 100 млн еўра. Рашэнне — за гульцом «Тотэнхэма»
Хары Кейн, імаверна, пяройдзе ў мюнхенскі клуб.
Мюнхенская «Баварыя» дасягнула пагаднення з «Тотэнхэм Хотспур» аб падпісанні Хары Кейна.
Прапанова ад Бундэслігі, як мяркуецца, коштам большым за 100 мільёнаў еўра (86,4 мільёна фунтаў, 110 мільёнаў долараў), была прынята іх калегамі з Прэм'ер-лігі ў сераду, піша The Atletic.
Цяпер слова за Кейнам.
30-гадовы форвард хацеў, каб сітуацыя вырашылася да стартавага матчу сезона «Тотэнхэма» з «Брэнтфардам» у гэту нядзелю.
Аднак, як піша The Athletic, Кейну падабаецца ў «Тотэнхэме».
У Кейна мінаюць апошнія 12 месяцаў яго кантракту, і «шпоры» хочуць укласці з ім новую дамову.
Хары Кейн — адзін з найлепшых гульцоў англійскай прэм'ер-лігі і сусветнага футбола. За «Тотэнхэм» ён згуляў 317 матчаў і забіў 213 мячоў, але не заваяваў з клубам ніводнага трафея.
Напрыклад, клуб апошні раз быў чэмпіёнам Англіі ў 1961 годзе, а ў 2019 годзе дайшоў да фіналу Лігі чэмпіёнаў, дзе прайграў «Ліверпулю».
Таксама Кейн правёў 84 матчы за зборную Англіі, з якой узяў срэбра Еўра-2021 і бронзу Лігі нацый — 2019.
Каля плошчы Бангалор у Мінску вырас яшчэ адзін звышсакрэтны аб’ект17
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары