Усяго патроху33

Для чаго можна выкарыстаць нежывую муху

Вучоныя адкрылі, што палімер з такога віду мух, як чорныя львінкі, з'яўляецца шматабяцальнай крыніцай для стварэння біяраскладальнага пластыку.

чорная ільвінка (Hermetia illucens) чёрная львинка
Муха «чорная львінка». Фота: Didier Descouens / Wikimedia Commons

Як піша The Guardian, сваё адкрыццё вучоныя агучылі на пасяджэнні Амерыканскага хімічнага таварыства. Яны сцвярджаюць, што мёртвых мух віду чорная львінка (Hermetia illucens) можна ператварыць у біяраскладальны пластык. Адкрыццё выглядае вельмі карысным, бо цяжка знайсці крыніцы біяраскладальных палімераў, якія не маюць іншага выкарыстання.

«На працягу 20 гадоў мая група распрацоўвала метады ператварэння натуральных прадуктаў, напрыклад, глюкозы, атрыманай з цукровага трыснягу ці дрэў, у палімеры, якія раскладаюцца, засвойваюцца, а не захоўваюцца ў навакольным асяроддзі. Але гэтыя натуральныя прадукты атрымліваюцца з рэсурсаў, якія таксама выкарыстоўваюцца для вытворчасці прадуктаў харчавання, паліва, будаўніцтва і транспарту», —

адзначыла галоўная даследчыца з Тэхаскага ўніверсітэта A&M Карэн Вулі.

Навукоўцы лічаць, што для вытворчасці пластыку з поспехам можна выкарыстоўваць адкіды, якія засталіся ад вырошчвання чорных ільвінак.

Гэта насякомае разводзяць у прамысловым маштабе ў якасці альтэрнатыўнай крыніцы бялку і іншых пажыўных рэчываў для кармавых мэт. Гэтая казурка — адзін з нямногіх відаў насякомых, ухваленых для выкарыстання ў якасці корму ў аквакультуры ў ЕС.

Аднак дарослыя мухі не маюць карысці і выкідваюцца пасля кароткага жыцця. Навукоўцы паспрабавалі выкарыстаць іх, каб вырабіць карысныя матэрыялы. Вядома, што хіцін, палімер на аснове цукру, умацоўвае панцыр ці экзашкілет насякомых і ракападобных.

Панцыры крэветак і крабаў ужо выкарыстоўваюцца для здабыцця хіціну. Даследчыкі заявілі, што хіцінавы парашок, атрыманы ад мух, чысцейшы, чым парашок з ракападобных. Да таго ж выкарыстанне хіціну з мух дазволіць пазбегнуць асцярог з нагоды алергіі на некаторыя морапрадукты.

З прадуктаў ад мух каманда стварыла гідрагель, які можа паглынаць у 47 разоў большую колькасць вады за сваю вагу ўсяго за адну хвіліну. Гэты прадукт можна ўносіць у глебу сельскагаспадарчых палёў, каб утрымліваць паводкавыя воды, а затым павольна выдзяляць вільгаць падчас засухі.

Навукоўцы спадзяюцца, што неўзабаве яны змогуць ствараць з мух біяпластык, які не будзе садзейнічаць забруджванню зямлі.

Чытайце яшчэ:

Як выгнаць дразафілаў? Вось якога паху яны баяцца

Небяспечнейшыя, чым здаюцца: навукоўцы патлумачылі, чаму трэба баяцца звычайных мух

У Францыі мужчына зруйнаваў частку дома, каб забіць надакучлівую муху

Каментары3

  • Бобр
    20.08.2023
    В союзе раньше давали деньги за колорадского или майского жука. Сколько будет стоить трупик мухи? В Беларуси много ферм с навозными полями. Думаю хорошее направление экспорта назревает.
  • Žvir
    20.08.2023
    Nu, usio, hamon mucham, i da ich dabralisia...
  • Мухабойка
    20.08.2023
    Напрыклад для працы у НН.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць